Mateus 26:61 - Chuukese Bible

⁶¹ o apasa, “Ei mwän a apasa, ‘Ngang üa tufichin ataetiu än Kot we imwenfel, nge lon ükükün ülüngat rän üpwe aüsefälietä.’”

Mateus 26:61 Iomraidhean Croise

Keneses 19:9

Nge ekewe re Sotom ra pälüeni, “Kopwe süla! En ka feito pwe kopwe wasöla rem, nge iei ka apwüngükem. Iei mine aipwe aweiresuk lap seniir.” Iwe, ra ki ngeni Lot fän pöchökül, ra pwal kan ngeni pwe repwe ripi asamalapen imwan.

1. King 22:27

Kopwe üreniir pwe repwe aturalong ei mwän lon imwen fötek o akükünü anan mongö me ünüman koluk tori üpwe liwinto fän kinamwe.”

2. King 9:11

Iwe, lupwen Jehu a towu ren chienan kewe meilap, eman me leir a aisini, “A öch pworausom? Pwota ei alüal mi umwes a feito reöm?” Nge Jehu a pälüeniir, “Ämi oua silei ewe alüal me mine a apasa.”

Aisea 49:7

Iwe, ewe Samol mi Lapalap ewe Chon Amanau, Ewe mi Pin lon Israel, a üreni ätewe a fokun küna itengau o koput me ren chon ekewe mwün fanüfan, ätewe mi angang ngeni ekewe chon nemenem, “King kana repwe ütä o asamoluk, lupwen repwe künok, nge samol kana repwe chapetiu mwom.” Ei epwe fis pokiten ewe Samol mi Lapalap a afili nöün chon angang. Ewe mi Pin lon Israel a apwönüetä an kewe pwon.

Aisea 53:3

A küna turunufas me koput me ren aramas kana, eman mwän mi örüni an nom lon cheuch me riaföü. A wewe ngeni eman chon anioput sa aopa mesach seni. A unusen itengau, pwe sa ekieki esap wor aüchean.

Mateus 12:24

Nge lupwen ekewe Farisi ra rong ekei kapas, ra apasa, “Ätei a chök asüela ekewe anün rochopwak pokiten ewe samolun anün rochopwak a ngeni an manaman.”

Mateus 26:62

Mürin ewe Souasor mi Lap a ütä o aisini Jesus, “Ifa usun, esap wor om kapasen pölüen ngeni ekei kapasen atutur ekei mwän ra aturuk won?”

Mateus 26:71

Mürin a feiliwu lon ewe al ngeni ewe asamalap. Iwe, pwal eman chon angang fefin a küna Petrus o üreni ekewe mwän mi nom ikenan, “Ei mwän a eti Jesus seni Nasaret.”

Mateus 27:40

o apasa, “En ewe ka ekiekin ataetiu ewe imwenfel o aüsefälietä lon ükükün ülüngat rän, kopwe püsin amanauok! Are en Nöün Kot, kopwe tötiu seni ewe iräpenges!”

Mateus 27:5

Iwe, Jutas a moneelong ewe moni lon ewe imwenfel o feila. Mürin a feila o püsin forusi.

Markus 14:58

“Äm aia rongorong an apasa, ‘Ngang üpwe atai ei imwenfel mi för ren pöün aramas, nge lon ükükün ülüngat rän üpwe aüsefälietä pwal eu esap förien pöün aramas.’”

Markus 15:29

Iwe, ekewe aramas mi pwere seni ra turunufasei Jesus, ra alifechifech ngeni o apasa, “Aa! En ewe ka ekiekin atai ewe imwenfel o aüsefälietä lon ükükün ülüngat rän.

Lukas 23:2

Ikenan ra popuetä le atipisi Jesus o üra, “Äm aia küna ei mwän pwe a emweningaua aramasen fanüach. A üreniir pwe resap takises ngeni Sisar, a pwal apasa pwe püsin i Kraist ewe king.”

Johannes 9:29

Äm aia silei pwe Kot a kapas ngeni Moses me lom, nge enan mwän äm aise fen mwo nge silei ia a feito me ie.”

Föför 17:18

Iwe, pwal ekoch soutipachem seni ekewe mwichen Epikurean me Stoik ra aninifengen me Paulus. Ekoch me leir ra ais, “Met ätei mi tiparoch a mochen apasa lon an aingaing?” Nge pwal ekoch ra apasa, “Usun itä a kakapas usun ekoch koten ekis.” Ra apasa ei, pokiten Paulus a afalafal usun Jesus me ewe manausefäl. Iei mine ra angei Paulus o emwenala ren ewe mwichen soupwüng mi mwichfengen won ewe Areopakus.

Föför 18:13

Ra apasa, “Ei mwän a sotuni an epwe pese ngeni aramas, pwe repwe fel ngeni Kot lon eu lapalap mi ü ngeni äm kewe allük.”

Föför 22:22

Iwe, ekewe aramas ra aüseling ngeni Paulus tori a apasatä ekei kapas. Nge mürin ra popuetä le pupuchör fän mwelier mi leüömong, “Oupwe fokun niela ätei! Esap fokun öch an epwe manau!”