Mateus 26:41 - Chuukese Bible

⁴¹ Oupwe mamasa o iotek pwe ousap turutiu lon sosot. Ewe ngün a mochen pwora, nge ewe fituk a apwangapwang.”

Mateus 26:41 Iomraidhean Croise

Kölfel 119:1

Ra feiöch chokewe resap tipis lon manauer, chokewe mi aleasochisi än ewe Samol mi Lapalap kewe allük.

Kölfel 119:115

Oupwe sü seniei, ämi chon föri mine a ngau, pwe üpwe aleasochisi än ai Kot kewe allük.

Kölfel 119:117

Kopwe amwöchüeitä pwe üpwe manau, üpwe meniniti om kewe allük fansoun meinisin.

Kölfel 119:32

Üpwe fokun aleasochisi om kewe allük, pun ka alapala ai sile.

Mateus 24:42

Iei mine oupwe mamasa, pun ousap silei lon meni rän ämi Samol epwe wareto.

Mateus 25:13

Iei mine oupwe mamasa, pun ousap silei lon meni rän ika kulok Nöün Aramas epwe war lon.

Mateus 26:38

Iwe, a üreniir, “Riaföün letipei a fokun wattela, pwe üa arap ngeni ai üpwe mäla. Oupwe nom ikei o etiei le mamasa.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Markus 14:38

Oupwe mamasa o iotek, pwe ousap turutiu lon sosot. Ewe ngün a mochen pwora, nge ewe fituk a apwangapwang.”

Lukas 11:4

Kopwe amusala äm kewe tipis pun äm aia amusala chokewe meinisin mi tipis ngenikem. Kosap atolongakem lon sosot.’”

Lukas 21:36

Oupwe mamasa o iotek fansoun meinisin, pwe epwe wor ämi pöchökül pwe oupwe tongeni sü seni ekei mettoch meinisin lupwen repwe fisitä o oupwe tongeni ütä me mwen Nöün Aramas.”

Lukas 22:40

Iwe, lupwen a tori ewe leni, a üreniir, “Oupwe iotek, pwe ousap turulong lon sosot.”

Lukas 22:46

Mürin a aisiniir, “Pwota oua chök mömöür, oupwe pwätä o iotek, pwe ousap turulong lon sosot.”

Lukas 8:13

Ekewe pwükil mi mworotiu lon lenien föüföü ra wewe ngeni chokewe mi rongorong kapasen Kot o etiwa fän pwapwa. Nge pokiten ewe kapas esap tongeni warar lor, ra chök lükü lon fansoun mochomoch. Nge lupwen fansoun sosot a toriir, ra müttir kuf.

Nöün Paulus Toropwe ngeni ekewe Souläng lon Rom 8:3

Iwe, mine ewe Allük esap tongeni föri pokiten fitukach a apwangapwang, Kot a föri: A ngeni tipis liwinin lon fituken Nöün we, ren an tinato püsin Nöün lon lapalapen aramas usun eman aramas tipis, pwe epwe eu asoren tipis.

1. Korint 10:13

Ekewe sosot ra torikemi sosotun aramas chök. Nge Kot a apwönüetä an pwon o esap mwütätä ngenikemi pwe oupwe tolong lon sokun sosot mi lap seni ämi tufich. Nge lupwen oupwe tolong lon sosot, i epwe föri efoch alen towu, pwe oupwe tongeni pwora ngeni.

1. Korint 16:13

Oupwe mamasa, oupwe üppos lon ämi lükülük, oupwe eäni sokun mwän, oupwe pöchökülela.

1. Korint 9:27

Üa fokun pöchökül ngeni inisi o anomu fän nemeniei, pwe üsap afalafala ekoch, nge püsin ngang üa lipwäkingau.

Kalatia 5:24

Iwe, chokewe ir nöün Kraist Jesus ra iräpengesi mochenian fituker me sokun ar mocheniangau me mochenian leluker.

Efisos 6:18

Oupwe föri ekei mettoch meinisin lon ämi iotek ngeni Kot pwe epwe alisikemi. Oupwe iotek won met oua föri usun Ngünmifel a emwenikemi. Iei popun ämi oupwe mamasa o tupwöl fansoun meinisin, oupwe iotek fän iten ekewe chon pin meinisin iteiten fansoun meinisin.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.

Pwärätä 16:15

“Nengeni, üpwe feito usun eman chon solä! A feiöch ätewe mi nenela o tümwünü üfan kewe, pwe esap fetalfeil lon an selela o säw ren aramas.”

Pwärätä 3:10

Pokiten ka tümwünü ai kewe kapas, pwe kopwe likitü fän mosonotam, üpwe pwal tümwünuk seni ewe fansoun riaföü epwe feito won unusen fanüfan, pwe epwe sotuni aramas meinisin mi nom won fanüfan.