Mateus 26:39 - Chuukese Bible

³⁹ Iwe, Jesus a feila ekis, a chapetiu lepwül o iotek, “Semei, are epwe tufich, kopwe angei seniei ei kapen riaföü, nge are ese tufich, letipom epwe fis, nge sap letipei.”

Mateus 26:39 Iomraidhean Croise

Keneses 17:3

Iwe, Apram a chapetiu lepwül, nge Kot a üreni,

2. Samuel 15:26

Nge are Kot esap ümöümöch ngeniei, ngang üa molotä. Epwe chök föri ngeniei mine a mürina me ren.”

1. Kronika 21:16

Iwe, Tafit a anetai mesan o küna nöün ewe Samol mi Lapalap we chon läng pwe a ütä lefilen fanüfan me läng, nge a amwöchü lepöün efoch ketilas mi itila won Jerusalem. Mürin, Tafit me ekewe souakom mi üföüf üf seni tuk ra chapetiu lepwül.

Aisea 50:5

Iwe, Kot ewe Samol mi Lapalap a suki selingei, nge üsap lükümach ngeni, üsap pwal sap seni.

Aisea 53:12

Iei mine üpwe ngeni wisan me lein chokewe mi iteüöch, nge epwe ineti ngeni ekewe chon pwora liapan. Pun a fangala manauan o mäla, a pwal alealong lein chon pupungau. Iwe, a uwei tipisin chomong aramas o iotek fän iten chon pupungau.

Isikiel 1:28

Iwe, usun lapalapen ewe resim a pwä lon kuchu lupwen püngün üt, iei usun lapalapen ewe saram ünükün ewe mi mot. Iei usun lapalapen lingen ewe Samol mi Lapalap. Iwe, lupwen üa küna ei, üa chapetiu lepwül o rongorong mwelien eman mi kapas.

Numperis 14:5

Mürin, Moses me Aaron ra chapetiu won pwül fän mesen ekewe aramasen Israel meinisin mi mwichefengen.

Numperis 16:22

Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”

Mateus 20:22

Nge Jesus a üreni ekewe ruoman alüal, “Ämi ousap silei mine oua tüngor. Ifa usun, oupwe tongeni ün seni ewe kapen riaföü ngang üpwe ünümi?” Ra pölüeni, “Ewer, äm aia tongeni.”

Mateus 24:24

Pun kraist chofona me soufos chofona repwe war o föri asisil me manaman mi lapalap, pwe repwe mwo nge atupu ekewe chon fil are repwe tongeni.

Mateus 26:42

Jesus a pwal liwinsefälila o iotek, “Semei, are ei kapen riaföü esap tongeni feil seniei, üpwe fokun ünümi, pun letipom epwe chök fis.”

Markus 13:22

Pun kraist chofona me soufos chofona repwe war o föri asisil me manaman, pwe repwe atupu ekewe chon fil are repwe tongeni.

Lukas 17:16

A chapela won pwül arun pechen Jesus o kilisou ngeni. Ätei eman re Samaria.

Johannes 11:41

Iei mine ra ekiela ewe fau seni won ewe peias. Iwe, Jesus a netä läng o apasa, “Semei, üa kilisou ngonuk pwe ka aüselingaei.

Johannes 14:31

Nge chon fanüfan repwe fokun silei pwe ngang üa echeni Semei. Ina popun ngang üa föri meinisin mine i a allük ngeniei. Ousipwe feila seni ikei.”

Johannes 18:11

Iwe, Jesus a üreni Petrus, “Kopwe aliwinsefälielong noumw ketilas lon tükütükün. Ifa usun, ka ekieki pwe üsap ün seni ewe kapen riaföü Semei a ngeniei?”

Johannes 5:19

Iwe, Jesus a pölüeniir, “Enlet, üpwe wesewesen ürenikemi: Ewe Nau esap tongeni föri och ren püsin i, a chök föri met a küna pwe Saman a föri. Pun mine ewe Sam a föri, pwal ina chök mine ewe Nau a föri.

Johannes 5:30

“Iwe, üsap tongeni föri och ren püsin inisi. Üa apwüngü aramas won met Kot a üreniei. Iei mine ai apwüng a let, pun üsap föri letipei, pwe letipen ewe mi tiniei.

Johannes 6:38

Pun üa feitiu seni läng pwe üpwe föri letipen ewe mi tiniei, nge sap püsin letipei.

Föför 10:25

Lupwen Petrus a tolong lon ewe imw, Kornelius a churi o chapetiu mwan lon an meniniti.

Filipi 2:8

A püsin atekisonatiu o eäni aleasochis tori mäla, tori an mäla won iräpenges.

Ipru 5:7

Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.