Mateus 26:26 - Chuukese Bible

²⁶ Iwe, lupwen ra mongöfengen, Jesus a angei ewe pilawa, a iotekin kilisou won, iwe, a kinikisietiu. A ineti ngeni nöün kewe chon kaiö o apasa, “Oupwe angei o mongö, iei inisi.”

Mateus 26:26 Iomraidhean Croise

Mateus 14:19

Mürin a allük ngeni ekewe aramas pwe repwe mottiu won ewe fetil. Iwe, a angei ekewe limeföü pilawa me ruoman ik, a sachetä läng o iotekin kilisou ngeni Kot wor. A kinikisietiu ekewe pilawa o ngeni nöün kewe chon kaiö, nge ir ra inetiir ngeni ekewe aramas.

Mateus 26:27

Mürin a angei eu kap, a iotekin kilisou won, iwe, a ngeniir o apasa, “Ämi meinisin oupwe ün seni.

Markus 6:41

Mürin Jesus a angei ekewe limeföü pilawa me ekewe ruoman ik, a sachetä läng o iotekin kilisou ngeni Kot won. A kinikisiretiu o a ngeni nöün kewe chon kaiö, pwe repwe ineti ngeni ekewe aramas. A pwal ineti ekewe ruoman ik, pwe epwe tori ekewe aramas meinisin.

Lukas 22:17

Mürin Jesus a angei ewe kap, a iotekin kilisou ngeni Kot won o a apasa, “Oupwe angei ei kap o ünfengen ämi meinisin.

Lukas 24:30

Lupwen an mottiu ngeni chepel pwe epwe mongö rer, a angei ewe pilawa o iotekin afeiöchü. Mürin a kini o ineti ngeniir.

Föför 2:46

Iteiten rän ra tipeeufengen le mwichfengen lon ewe imwenfel, ra mongöfengen lon imwer fän pwapwa me tipetekison.

Föför 20:7

Iwe, lekuniolun räninamol äm aia chufengen o mongöfengen ewe mongön ach Samol. Iwe, Paulus a afalafala ekewe aramas, nge a chök sopwela le afalafaleer tori lukenipwin, pun a ekiekin feil seniir sorotän ewe rän.

1. Korint 10:4

o ünümi eu chök kolukun ngün. Ra ün seni ewe achauen ngün mi etiir, nge ei achau iei i Kraist.