Mateus 26:15 - Chuukese Bible

¹⁵ o aisiniir, “Met oupwe ngeniei are üpwe afangamä Jesus ngenikemi?” Iwe, ra ngeni ilik föün moni silifer.

Mateus 26:15 Iomraidhean Croise

Keneses 38:16

Iwe, a feila ren lükün ewe al o üreni, “Etto, üpwe kon reöm.” Pun esap silei pwe pwülüen nöün we. Nge Tamar a aisini, “Met kopwe liwini ngeniei ika kopwe kon rei?”

Ekistos 21:32

Nge ika ewe ätemwänin kow a opura eman amanau mwän are amanau fefin pwe a mäla, ätewe mine nöün ewe ätemwänin kow epwe ngeni än ewe amanau samol ilik föün moni silifer , nge ewe ätemwänin kow epwe momon ngeni fau.

Aisea 56:11

Iwe, ra usun chök kolak ra mochen mongömong, nge resap fokun möt. Ekei chon mas resap weweiti och, ra chök en me püsin föri letipan o kütta en me winnan.

Lifitikos 27:4

Nge are ewe aramas eman fefin, ükükün liwinin aüchean epwe ilik föün moni silifer.

Mateus 10:4

Simon, i eman Selot me Jutas Iskariot, ätewe mi afangamä Jesus.

Mateus 26:16

Seni ena otun Jutas a kütta eu fansoun mi fich an epwe tongeni atolonga Jesus lepöür.

Föför 1:18

(Ewe moni Jutas a angei fän iten an föför mi ngau ra möni ngeni eu fanü. Ikenan a turutiu o mäla, a mökküfesen lukan pwe afan ra seliseliwu.

1. Timoty 3:3

Esap ünüpuch are rochongau, nge epwe tipepwetete o afisätä kinamwe, esap eman mi mochenian moni.

2. Petrus 2:3

Lon ar tipemong ekei chon afalafal chofona ra angei ar win ren ar aronga ngenikemi pworaus ra püsin afisätä. Fansoun langatam tori iei, Kot nöür we soukapwüng, ewe Chon Afeiengaueer, a fen molotä o a chök nenela pwe epwe apwüngüür.

Soukapwüng 16:5

Iwe, ekewe samolun chon Filistia ra feito ren neminewe o üreni, “Kopwe echimwa Samson o kütta met popun a kon watte an pöchökül. Kopwe pwal kütta ren met aipwe tongeni turufi pwe aipwe tongeni föti o akufu. Mürin aipwe en me ngonuk engeröü ipükü föün moni silifer.”

Soukapwüng 17:10

Iwe, Maika a üreni, “Kopwe nom rei pwe kopwe eman semei me eman nei souasor. Nge ngang üpwe ngonuk engol föün moni silifer iteiten ier, üpwe pwal ngonuk ufom me anom.”