Mateus 26:10 - Chuukese Bible

¹⁰ Nge Jesus a silei met ra apasa, iei mine a üreniir, “Pwota oua aweiresi neminei? Met a föri ngeniei a fokun mürina.

Mateus 26:10 Iomraidhean Croise

Nehemia 2:18

Iwe, üa apworausa ngeniir usun än Kot etiei o alisiei, üa pwal apworausa ngeniir ekewe kapas ewe king a üreniei. Iwe, ra üra, “Ousipwe popuetä le senisefälietä ewe tit.” Iei usun ra popuetä le föri ewe angang mi mürina.

Hiop 13:7

Ifa usun, oupwe kapas mwäl fän iten Kot o eäni kapas atuputup fän itan?

Mateus 26:11

Ekewe chon wöüngau repwe nonom remi fansoun meinisin, nge ngang üsap nonom remi fansoun meinisin.

Mateus 26:9

Pun ei lö eman a tongeni amömöla ren watten moni. Mürin ei moni epwe la ngeni ekewe chon wöüngau!”

Markus 14:6

Nge Jesus a üreniir, “Oupwe likitala neminei. Pwota oua osukosuka? A föri ngeniei eu föför mi fokun mürina.

Lukas 8:49

Lupwen Jesus a chüen kakapas, eman chon künö a feito seni imwen Jairus o üreni Jairus, “Noumw nengin a fen mäla. Kosap chüen aweiresi ewe sense.”

2. Korint 9:8

Iwe, Kot a tufichin fang ngenikemi sokopaten feiöch mi somwola, pwe fansoun meinisin epwe naf ngenikemi mettoch meinisin fän püsin itemi, epwe pwal somwola ämi pisekisek, pwe oupwe tongeni föri sokun föför mürina meinisin.

Kalatia 1:7

Enlet, esap fokun wor “pwal eu Pworausen Manau”. Üa apasa ei ititin kapas, pun a wor ekoch aramas mi afitikokokemi o sotuni ar repwe sorei ewe Pworausen Manau usun Kraist.

Kalatia 5:12

Üa äneän pwe amwo chokewe mi afitikokokemi repwe chök sopwela ar föför o püsin pöküela och kinikinin inisiir.

Kalatia 6:17

Iwe, lesopolan ai kei kapas: Esap wor eman epwe chüen aweiresiei, pun ekewe lemon kinas mi nom won inisi ra pwärätä pwe ngang nöün Jesus amanau.

Efisos 2:10

Pun Kot a förikich pwe sipwe eäni ei manau, a förikich lon Kraist Jesus pwe sipwe föri ekewe föför mi mürina a fen amolätä fän itach pwe sipwe föföri.

Kolose 1:10

Mürin oupwe tongeni manaueni eu manau mi fich ngeni ach Samol o oupwe föri mine epwe pwapwa ren. Iwe, epwe wor sokopaten föför mürina lon manauemi, oupwe mämäritä lon ämi silei Kot.

2. Tesalonika 2:17

epwe echipa letipemi o apöchökülakemi, pwe oupwe föri o apasa mine a mürina fansoun meinisin.

1. Timoty 3:1

A let ewe kapas: Are eman a mochen wiseni ewe wisen soumasen mwichefel, a tipeni eu angang mi aüchea.

1. Timoty 5:10

a pwal sil me ren aramas ren an föför mürina, a foleniöchü nöün kana, a etiwaöchü wasöla lon imwan, a talü pechen ekewe chon pin, a alisi aramas mi nom lon osupwang o fokun achocho le föri föför mürina fansoun meinisin.

2. Timoty 2:21

Are eman aramas a püsin limeti seni ekana sokun lapalap mi ngau, i epwe eu pisekin aea fän iten ekoch popun mi aüchea, pun a pin o lomot fän iten an Samol, a molotä pwe epwe eu pisekin aea fän iten föför mürina meinisin.

Titus 1:16

Ra apasa pwe ra silei Kot, nge ar föför a pwärätä pwe resap silei i. Ra anioput me ren Kot, ra lükümach, resap tongeni ar repwe föri och mi mürina.

Titus 2:14

I a fangala manauan fänäsengesich, pwe epwe angasakich seni ach föföringau meinisin, epwe pwal limetikich seni ach tipis, pwe sipwe nöün aramas mi fokun achocho le föri mine a mürina.

Titus 3:1

Kopwe achema ngeni noumw kewe souläng, pwe repwe fokun aleasochis ngeni ekewe samol me sounemenem, repwe pwal molotä ngeni ar repwe föri sokun föför mi mürina.

Titus 3:14

Kopwe aiti ngeni chiechiach kewe souläng, pwe repwe fokun alomota ar fansoun le föri föför mürina, pwe epwe wor rer mine ra osupwang ren, pwe manauer esap lomotongau.

Titus 3:8

A allükülük ekei kapas. Üa mochen pwe kopwe fokun aweweöchü ekei mettoch, pwe chokewe mi lükü Kot repwe fokun alomota ar fansoun le föri föför mi mürina, sokun föför mi öch o lomot ngeni aramas meinisin.

Ipru 13:21

epwe atufichikemi ren mettoch meinisin mi mürina, pwe oupwe föri letipan. Epwe föri loch ren Jesus Kraist mine i epwe pwapwa ren. Kraist epwe ling tori feilfeilachök! Amen.

1. Petrus 2:12

Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.