Mateus 24:5 - Chuukese Bible

⁵ Pun chomong aramas repwe feito fän itei o apasa, ‘Ngang Kraist!’ Iwe, repwe atupala chomong aramas.

Mateus 24:5 Iomraidhean Croise

Jeremaia 14:14

Iwe, ewe Samol mi Lapalap a üreniei, “Ekewe soufos ra eäni itei lon ar osuni mine a chofana. Üsap akünöör, üsap allük ngeniir, üsap pwal kapas ngeniir. Ra kapas ngenikemi usun künaer mi chofana, ar pwee a lomotongau, pun ra püsin ekiekietä.

Jeremaia 23:21

Iei alon ewe Samol mi Lapalap, “Üsap tini ekewe soufos, nge ra fen feila. Üsap kapas ngeniir, nge ra fen osuni.

Jeremaia 23:25

Üa rongorong mine ekewe soufos mi osuni mine a chofana fän itei ra apasa, ir mi üra pwe üa fos ngeniir lon ar tan.

Jeremaia 37:9

Ngang ewe Samol mi Lapalap üa üra: Ousap püsin atupukemi ren ämi apasa pwe ekewe sounfiun Papilon resap chüen liwinto, pun repwe chök liwinto.

Mateus 24:11

Mürin chomong soufos chofona repwe feito o atupala chomong aramas.

Mateus 24:24

Pun kraist chofona me soufos chofona repwe war o föri asisil me manaman mi lapalap, pwe repwe mwo nge atupu ekewe chon fil are repwe tongeni.

Johannes 5:43

Ngang üa feito fän iten Semei, nge ämi ousap etiwaei. Nge are pwal eman epwe feito fän püsin itan, ämi oupwe etiwa i.

Johannes 8:24

Iei popun ai ürenikemi pwe oupwe mäla lon ämi tipis. Pun are ousap lüküei pwe ‘Ngang chök ewe Eman’, oupwe fokun mäla lon ämi tipis.”

Johannes 8:28

Iei mine a üreniir, “Lupwen oupwe atekiatä ewe Nöün Aramas, mürin oupwe silei iö Ngang. Oupwe pwal silei pwe üsap föri och ren püsin ngang, nge üa chök apasa mine Semei a aiti ngeniei.

1. Johannes 2:18

Ämi nei kana, ewe fansoun sopolan a arapoto! Oua fen rongorong pwe ewe Pölüen Kraist epwe war. Nge iei chomong pölüen Kraist ra fen pwä, iei mine sia silei pwe ewe fansoun sopolan a arapoto.

1. Johannes 2:22

Iwe, iö ewe chon chofona? Ätewe mi apasa pwe Jesus esap ewe Mesaia! Ei sokun aramas i ewe pölüen Kraist, a oput ewe Sam me ewe Nau.

1. Johannes 4:3

Nge iteiten ngün a amamäsini ei pworaus usun Jesus esap feito seni Kot. Iei i ngünün ewe Pölüen Kraist, oua fen rong pwe epwe war, nge iei a fen nom won fanüfan.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.