Mateus 24:42 - Chuukese Bible

⁴² Iei mine oupwe mamasa, pun ousap silei lon meni rän ämi Samol epwe wareto.

Mateus 24:42 Iomraidhean Croise

Mateus 24:36

“Esap wor eman a silei ewe rän are ewe kulok ekei mettoch repwe fis lon, sap mwo nge ekewe chon läng are ewe Nau, nge ewe Sam echök a silei.

Mateus 24:43

Are ewe souimw epwe silei inet ewe chon solä epwe war, oupwe fokun silei, pwe ätewe epwe nenela, nge esap mwüt ngeni ewe chon solä an epwe atalong imwan we.

Mateus 24:44

Iei mine pwal ämi, oupwe molotä fansoun meinisin, pun Nöün Aramas epwe war lon eu otun ousap ekieki ngeni.

Mateus 25:10

Iei mine ekewe föpwül mi tiparoch ra feila pwe repwe kamö ar alölö. Nge lupwen ra feila, ewe mwän apwüpwülü söfö a war. Iwe, ekewe limman föpwül mi molotä ra eti le tolong lon ewe imwen kametipen apwüpwülü, mürin ewe asam a kapüngüla.

Mateus 25:13

Iei mine oupwe mamasa, pun ousap silei lon meni rän ika kulok Nöün Aramas epwe war lon.

Lukas 21:34

“Oupwe afälikemi, pwe lelukemi esap chouchou ren mongömong me ünüpuch, pwal ren öürekin manauen ikenai, pwe ewe rän esap müttiritikemi usun eu sär.

Lukas 21:36

Oupwe mamasa o iotek fansoun meinisin, pwe epwe wor ämi pöchökül pwe oupwe tongeni sü seni ekei mettoch meinisin lupwen repwe fisitä o oupwe tongeni ütä me mwen Nöün Aramas.”

Nöün Paulus Toropwe ngeni ekewe Souläng lon Rom 13:11

Oupwe fokun föri iei usun, pun oua silei pwe ewe fansoun a arapoto, pwe ämi oupwe pwätä seni möür. Pun ewe ränin än Kot amanauakich a kaneto iei lap seni ewe fansoun sia popuetä le lükü Jesus Kraist.

1. Korint 16:13

Oupwe mamasa, oupwe üppos lon ämi lükülük, oupwe eäni sokun mwän, oupwe pöchökülela.

1. Tesalonika 5:6

Iei mine sisap möür usun pwal ekoch, nge sipwe nenela o mamasafichi.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

Pwärätä 16:15

“Nengeni, üpwe feito usun eman chon solä! A feiöch ätewe mi nenela o tümwünü üfan kewe, pwe esap fetalfeil lon an selela o säw ren aramas.”