Mateus 24:3 - Chuukese Bible

³ Iwe, lupwen Jesus a mot won ewe Chukun Olif, ekewe chon kaiö ra feito ren, nge ir chök. Ra tüngor ngeni, “Kose mochen ürenikem inet epwe fis ekei mettoch meinisin? Kopwe pwäri ngenikem asisilen fansoun om wareto me ewe fansoun sopolan.”

Mateus 24:3 Iomraidhean Croise

Mateus 13:36

Iwe, lupwen Jesus a feila seni ewe mwichen aramas o tolong lon eu imw, nöün kewe chon kaiö ra feito ren o üreni, “Kopwe awewe ngenikem met wewen ewe pworausen awewe usun ekewe pötöwölingau lon ewe tanipi.”

Mateus 13:49

Iei usun mine epwe fis lesopolan fansoun fanüfan. Ekewe chon läng repwe feila o aimwüfeseni ekewe aramasangau seni ekewe aramas mi pwüng.

Mateus 15:12

Mürin ekewe chon kaiö ra feito ren Jesus o üreni, “Ka silei pwe ekewe Farisi ra chou ren mine ka apasa?”

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 16:28

Enlet, üpwe ürenikemi pwe mi wor ekoch aramas ikei resap mäla, pwe repwe mwo küna Nöün Aramas epwe war lon wisan wisen king o nemenem.”

Mateus 17:19

Mürin ekewe chon kaiö ra feito ren Jesus lupwen a alemanüla o aisini, “Pwota äm aisap tongeni atowu ewe anün rochopwak seni ewe ät?”

Mateus 21:1

Lupwen Jesus me nöün kewe chon kaiö ra tori Petfake arun ewe Chukun Olif, arap ngeni Jerusalem, Jesus a tinala ruoman ekewe chon kaiö pwe repwe akomwola mwer.

Mateus 24:27

Pun Nöün Aramas epwe feito usun fifi mi fila lon unusen läng seni ötiu tori lotou.

Mateus 24:30

Mürin asisilen Nöün Aramas epwe pwäla fän läng, nge aramas meinisin won fanüfan repwe kechü, lupwen repwe küna Nöün Aramas epwe feito won kuchu fän manaman me ling mi lapalap.

Mateus 24:37

Ewe fansoun waren Nöün Aramas epwe usun chök met a fis lon fansoun Noa.

Mateus 24:39

Resap silei mine epwe fis tori ewe noter a war o niirela meinisin. Ina usun mine epwe fis lupwen Nöün Aramas epwe war.

Mateus 24:43

Are ewe souimw epwe silei inet ewe chon solä epwe war, oupwe fokun silei, pwe ätewe epwe nenela, nge esap mwüt ngeni ewe chon solä an epwe atalong imwan we.

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Lukas 21:7

Iwe, ekewe chon kaiö ra aisini Jesus, “Sense, inet ekei mettoch ka fos usun repwe fis? Meni asisil epwe pwärätä pwe a tori ewe fansoun an epwe fis ekei mettoch?”

Föför 1:7

Jesus a pölüeniir, “Esap wisemi pwe oupwe silei fansoun me ränin, pwe wisen chök Semei an epwe akota.

Ipru 9:26

pun are epwe iei usun, epwe riaföü fän chomong seni ewe fansoun Kot a föri fanüfan. Nge iei lupwen a arapakan sopolan fansoun fanüfan, Kraist a wareto fän eu chök, nge a naf ngeni fansoun meinisin, pwe epwe amorala tipis ren an asor püsin inisin.