Mateus 24:21 - Chuukese Bible

²¹ Pun riaföün lon ekana rän epwe fen lap seni ekewe riaföü mi fen fis seni lepoputän fanüfan tori ei fansoun, esap pwal fissefäl ena sokun lon ekewe fansoun repwe feito.

Mateus 24:21 Iomraidhean Croise

Isikiel 5:9

Pokiten ämi föför mi anioput ngeniei üpwe apwüngükemi, usun üsamwo apwüngükemi seni me lom, üsap pwal apwüngükemi me mürin.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Taniel 9:26

Iwe, mürin ekewe fisu fän wone me ruu ier ewe mi kepit epwe ninnila, nge esap wor popun. Iwe, nöün eman samol sounfiu repwe war o ataela ewe telinimw me ewe Leni mi Pin. Nge sopolan ewe telinimw epwe war usun chök eu noter, epwe pwal fis maun me tatakis tori lesopolan, usun Kot a fen apwüngala.

Sowel 1:2

Oupwe rongorong, ämi ätemirit, oupwe aü selingemi, ämi meinisin mi nonom lon ei fanü Juta. Ifa usun, ei sokun mettoch a fen fis lon fansoun manauemi ika lon fansoun manauen semelapemi kewe?

Sowel 2:2

Ei rän epwe eu ränin rochopwak me toputop, pwal eu ränin kuchuchu me rochokich. Iwe, eu mwicheichen pwiin lifichimas mi fokun pöchökül epwe pwölüela ekewe chuk usun chök rochokichin pwin. Ei esap fis seni me lomlom, esap pwal fis ren ekewe täppin aramas repwap up lon kan fansoun mwach.

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Mateus 24:20

Oupwe iotek ngeni Kot pwe ei sokun riaföü esap fis lon fansoun patapat ika lon ränin sapat!

Mateus 24:29

“Lon ewe chök otun mürin ewe fansoun riaföü, akkar epwe rochola, maram esap chüen tittin, ekewe fü repwe turutiu me läng, nge ekewe manamanen läng repwe mwöküt seni lenier.

Markus 13:9

Oupwe püsin mamasakemi. Pun repwe fötekinikemi o emwenikemiilong lon kapwüng. Repwe wichikemi lon ar kewe imwen felikis. Oupwe ütä mwen ekewe kepina me king pokitei, pwe oupwe pwärätä ngeniir mine a let.

Lukas 21:24

Ekoch repwe ninnila ren ketilas, nge pwal ekoch repwe oola lon ekewe fanü meinisin. Iwe, ekewe chon lükün Israel repwe purätiu Jerusalem tori fansoun än chon lükün Israel nemenem a wes.

1. Tesalonika 2:16

Ra pwal mwo nge sotuni ar repwe pinekem seni äm afalafala ngeni ekewe chon lükün Israel ewe kapasen Kot mi atoto rer manau. Iei ewe amüchülan me lein ekewe tipis meinisin ra föri seni me lom. Iwe, iei än Kot song a fokun feitiu wor.

Pwärätä 16:18

Iwe, a fis fifin inefi, ngüngü me chopun chopulap, pwal eu chechechin fanü mi fokun afeiengau. Esap fokun mwo wor eu sokun chechechin fanü seni lon fansoun popuetän än aramas nom won fanüfan mi afeiengau usun ei.

Pwärätä 7:14

Üa pölüeni, “Ai samol, üsap silei, en mi silei.” Iwe, a üreniei, “Ekei aramas, ir chokewe mi towu seni ewe riaföü mi lapalap. Ra limeti üfer o apwecher lon chaan ewe Lam.