Mateus 24:15 - Chuukese Bible

¹⁵ “Iwe, ämi oupwe küna ewe ‘Mettoch mi Eniweniw’, ewe soufos Taniel a kapas usun. Epwe nom lon ewe leni mi pin. (Ewe chon aleani epwe weweiti met wewen ei.)

Mateus 24:15 Iomraidhean Croise

Jeremaia 44:29

Ngang ewe Samol mi Lapalap üpwe alletä ngenikemi pwe üpwe apwüngükemi lon ei leni, pwe oupwe silei pwe ai kewe kapasen afeiengauakemi repwe fokun pwönüetä.

Isikiel 40:4

Iwe, ewe mwän a üreniei, “Nöün aramas, kopwe nengeni ren mesom, kopwe pwal aüseling ren selingom o iseis lon letipom meinisin mine üpwe aiti ngonuk, pun iei popun Kot a emwenuketo ikei. Kopwe asile ngeni chon Israel meinisin mine kopwe küna.”

Taniel 1:6

Iwe, ekoch me lein ekewe alüal seni ewe ainangen Juta iter Taniel, Hanania, Misael me Asaria.

Taniel 11:31

Iwe, nöün sounfiu repwe war o alimengaua ewe Imwenfel, repwe pwal aükätiu ewe asoren kek mi fis iteiten rän. Iwe, repwe anomu lon eu mettoch mi fokun anioput epwe afisätä feiengau.

Taniel 12:11

Nge seni ewe fansoun ewe asor mi fis iteiten rän epwe ükütiu, pwal ewe mettoch mi anioput a afeiengau epwe nom ükükün engeröü rüöpükü tiwe rän repwe la.

Taniel 9:23

Lupwen ka popuetä le iotekin tüngor, Kot a pälüeni om iotek. Iei üa feito pwe üpwe asile ngonuk pälüan, pun ka fokun chen me ren. Iei mine kopwe ekieki ekewe kapas pwe kopwe weweiti künaom we.

Taniel 9:25

Kopwe silei o weweiti ei: Seni fansoun ewe kapas a towu pwe Jerusalem epwe kaüsefäl tori waren ewe sounemenem, ätewe mi kepit, ükükün fisu fän fisu ier repwe la. Iwe, Jerusalem epwe kaüsefäl, epwe pwal wor alan me an lenien chulap. Epwe nom lon ükükün fisu fän wone me ruu ier, nge epwe eu fansoun osupwang.

Taniel 9:27

Lon ükükün fisu ier ewe samol epwe föri eu pwon mi nüküchar ngeni chomong aramas, nge lukalapen ekewe fisu ier epwe aükätiu ewe asoren kek me ewe asoren mongö. Iwe, ewe mi afisätä tatakis epwe anomu eu mettoch mi fokun anioput lon ewe Leni mi Fokun Tekia lon ewe Imwenfel, tori Kot epwe atolonga ätewe lon ewe feiengau a fen apwüngala won.”

Mateus 24:16

Mürin chokewe mi nom Jutea repwe sütä won ekewe chuk.

Markus 13:14

“Ämi oupwe küna ewe ‘Mettoch mi Eniweniw’ a nom lon ewe leni ia esap ürürün epwe nom ie. (Ewe chon aleani epwe fokun weweiti met wewen ei!) Mürin chokewe mi nom lon Jutea repwe sütä won ekewe chuk.

Lukas 19:43

Pun epwe war ewe fansoun pwe chon oputom repwe pwelifeiliik, repwe aüetä ar ororen maun ünükum o rongeekela.

Lukas 21:20

“Iwe, lupwen oupwe küna pwe sounfiu ra pwelifeili Jerusalem, mürin oupwe silei pwe a arapoto fansoun an epwe tala.

Johannes 11:48

Are sipwe mwüt ngeni an epwe sopwela lon ei sokun lapalap, aramas meinisin repwe lükü i. Mürin repwe feito o atai ach imwenfel o angeala aramasach.”

Föför 21:28

Ra kökkö fän leüömong, “Ämi re Israel! Oupwe alisikem! Iei i ewe mwän mi saifeil ekis meinisin o a eäni och sokun afalafal ngeni aramas meinisin mi ü ngeni ekewe aramasen Israel, än Moses kewe Allük me ei imwenfel. Nge iei a fen mwo nge uwato ekoch chon lükün Israel lon ei imwenfel o apiningaua ei leni mi pin!”

Föför 6:13

Mürin ra emwenato ekoch mwän ar repwe apasa kapas chofona usun i. Ra üra, “Ei mwän esap ükütiu le kapasingau usun ach ei mwichefel me än Moses kewe allük.

Ipru 2:1

Iei mine sipwe fokun kamwöchünük won ekewe kapas mi let sia fen rongorong, pwe sisap tokola seni.

Pwärätä 1:3

A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.

Pwärätä 3:22

Are a wor selingen eman epwe rongorong mine Ngünmifel a üreni ekewe mwichefel!”