Mateus 24:13 - Chuukese Bible

¹³ Nge iö epwe likitü tori lesopolan epwe küna manau.

Mateus 24:13 Iomraidhean Croise

Mateus 10:22

Aramas meinisin repwe oputakemi pokitei. Nge iö epwe likitü tori lesopolan epwe küna manau.

Mateus 24:12

Pokiten a wattela föföringau, epwe patapatala ewe chen lefilen aramas.

Mateus 24:6

Oupwe rongorong akürangen maun me pworausen maun, nge ousap niuokus. Ekei mettoch repwe fokun fis, nge esap tori mwo fansoun sopolan.

Markus 13:13

Aramas meinisin repwe oputakemi pokitei. Nge iö epwe likitü tori lesopolan epwe küna manau.

Lukas 21:19

Ren ämi likitü oupwe püsin amanauakemi.

Lukas 8:15

Nge ekewe pwükil mi mworotiu lon pwül mi mürina ra wewe ngeni chokewe mi rongorong kapasen Kot o amwöchü lon eu leluk mi mürina o aleasochis, ra likitü tori ra ua.

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

1. Korint 1:8

I epwe pwal anükücharakemi tori lesopolan, pwe esap wor eman epwe tip ngenikemi och mi mwäl lon ewe Ränin ach Samol Jesus Kraist.

Ipru 10:39

Nge kich sisap eti chokewe mi liwinsefäl o pöütmwälila, pwe sia eti chokewe mi lükü o küna manau.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.