Mateus 23:9 - Chuukese Bible

⁹ Ousap kökköri ngeni eman ikei won fanüfan ‘Sam’, pun a chök wor eman Sememi lon läng.

Mateus 23:9 Iomraidhean Croise

2. King 13:14

Iwe, lupwen a tori Elisa ewe samau epwe mäla ren, Jehoas ewe kingen Israel a feila ren, a kechü ngeni o üra, “Semei, semei! En ewe chon peni Israel mi manaman.”

2. King 2:12

Iwe, Elisa a küna ei lapalap o kökkö, “Semei, semei! Ewe chon peni Israel mi manaman. Iei ka feil senikem.” Iwe, esap chüen küna Elias. Mürin, Elisa a kamwöch püsin üfan o kamweetiu lon ruu kinikin fän an letipeta.

2. King 6:21

Lupwen ewe kingen Israel a küna ekewe sounfiun Siria, a aisini Elisa, “Semei, ifa usun, üpwe nirela?”

Malakai 1:6

Iei alon ewe Samol mi Unusen Manaman ngeni ekewe souasor, “Eman nau a asamolu saman, nge eman chon angang a asamolu an samol. Are ngang sememi, pwota ousap asamoluei? Nge are ngang nöümi samol, pwota ousap meninitiei? Ämi souasor oua turunufaseei. Nge oua ais, ‘Met aia turunufaseek ren?’

Mateus 23:10

Ousap pwal kökköri ngeni eman ‘Souemwen’, pun a chök wor eman ämi souemwen, iei i ewe Kraist.

Mateus 6:32

Pun chokewe resap silei Kot ra chök ekieki usun ekei mettoch. Iwe, Sememi lon läng a silei pwe oua osupwang ren ekei mettoch.

Mateus 7:11

Iwe, are mwo ämi aramas mi ngau, nge oua silei ämi oupwe fang ngeni nöümi lifang mi mürina, epwe fen ifan me watten än Sememi lon läng fangala mettoch mi mürina ngeni chokewe mi tüngorei!

Föför 22:1

“Ämi pwii me semei kana, oupwe aüseling ngeniei, pun üpwe püsin peniei mwemi.”

1. Korint 4:15

Pun inamwo ika a wor engol ngeröü nöümi souemwen lon manauen ämi souläng, nge oua chök semeni eman. Pun lon Kraist Jesus üa wiliti eman sememi ren ai afalafala ewe Pworausen Manau ngenikemi.

2. Korint 6:18

Ngang üpwe sememi, Nge ämi oupwe nei mwän me nei fefin, iei alon ewe Samol mi Unusen Manaman.”

Ipru 12:9

Ina chök usun samach lon pekin fituk, ra apwüngükich, nge kich sia meninitiir. Epwe ifan me watten ach sipwe aleasochisi Samach we lon pekin ngünüch o manau!

1. Johannes 3:1

Oupwe nengeni ükükün watten än ewe Sam echenikich! An chen a fokun tekia pwe a aita ngeni kich nöün. Iei mine kich wesewesen nöün Kot. Ina popun pwe fanüfan esap sileikich, pun esap silei Kot.