Mateus 23:7 - Chuukese Bible

⁷ Ra pwal sani än aramas repwe kapong ngeniir me sufölitiir lon ekewe lenien amömö, pwal än aramas repwe kökköri ngeniir ‘Sense’.

Mateus 23:7 Iomraidhean Croise

Mateus 11:16

“Iwe, met üpwe tongeni awewe ngeni ei pilon aramasen ikenai? Ra wewe ngeni ekewe semirit mi mot lon ekewe lenien amömö. Eu mwich a kökkö ngeni pwal eu mwich:

Mateus 23:8

Nge ämi ousap mwüt ngeni aramas pwe repwe kökköri ngenikemi ‘Sense’, pun a chök wor eman nöümi Sense, nge ämi meinisin oua pwipwi.

Mateus 26:25

Iwe, Jutas ätewe mi afangamä Jesus a üra, “Sense, ifa usun, sap fen ngang ätewe?” Jesus a pölüeni, “Ewer, usun om apasa.”

Mateus 26:49

Iwe, Jutas a fetal wenewen ngeni Jesus o üreni, “Sense, kinamwe epwe nonom reöm.” Mürin a mitiri.

Markus 10:51

Iwe, Jesus a üreni, “Met ka mochen üpwe föri ngonuk?” Ewe mwän mi chun a pölüeni, “Sense, ngang üa mochen pwe üpwe küna mwei.”

Markus 11:21

Iwe, Petrus a chechemeni mine a fis, iei mine a üreni Jesus, “Sense, nengeni ewe irä fiik ka anümamaua a pwasala.”

Markus 12:38

Iwe, Jesus a afalafaleer o üreniir, “Oupwe afälikemi ren ekewe Sensen Allük ra sani ar fetalfeil fän üfer mi langatam, ra pwal sani än aramas repwe kapong ngeniir fän menin lon ekewe lenien amömö,

Markus 14:45

Lupwen Jutas a war, a müttir feiliti Jesus o üreni, “Sense”, a pwal mitiri.

Markus 9:5

Iwe, Petrus a üreni Jesus, “Sense, a fokun öch ach sipwe nonom ikkei. Aipwe aüetä ülüngat imw mangaku, eu fän itom, eu fän iten Moses pwal eu fän iten Elias.”

Lukas 11:43

Feiengauemi, ämi Farisi! Pun oua sani le mot won ekewe lenien mot än ekewe mi lap lon ekewe imwen felikis, pwal än ekewe aramas kapong ngenikemi fän suföl me lon ekewe lenien amömö.

Johannes 1:38

Nge Jesus a sapsefäl o küna pwe ra tapwela mürin, iwe, a aisiniir, “Met oua kütta?” Ra pölüeni, “Ia ka nom ie, Rabbi?” (Wewen ei kapas Rabbi ‘Sense’)

Johannes 1:49

Iwe, Nataniel a üreni, “Sense, en Nöün Kot! En ewe kingen Israel!”

Johannes 11:8

Nge ekewe chon kaiö ra üreni, “Sense, pollon kewe chök ekewe aramas ikenan ra mochen mone ngonuk fau. Nge iei ka pwal mochen liwinsefäliti ikenan?”

Johannes 20:16

Iwe, Jesus a föüni iten neminewe o apasa, “Maria!” Mürin Maria a kul ngeni o apasa lon kapasen Ipru, “Rapponi!” (Wewen “Sense”)

Johannes 3:2

Lon eu pwin ätei a feila ren Jesus o üreni, “Rabbi, äm aia silei pwe en eman sense Kot a tinato. Pun esap wor eman a tongeni föri ekei sokun manaman en ka föri are Kot esap eti.”

Johannes 3:26

Iwe, ra feila ren Johannes o üreni, “Sense, ka chechemeni ewe mwän a nom reöm ötiuen ewe chanpupu Jortan, ätewe ka kapas ngenikem usun? Iei a papataisi aramas o aramas meinisin ra feila ren.”

Johannes 4:31

Lon chök ei fansoun ekewe chon kaiö ra tütüngor ngeni Jesus, “Sense, kopwele mongö.”

Johannes 6:25

Iwe, lupwen ekewe aramas ra küna Jesus me epek ewe noom, ra aisini, “Sense, inet ka feito ikei?”

Johannes 9:2

Nöün kewe chon kaiö ra aisini, “Sense, tipisin iö pwe ei mwän a upuchun? Püsin tipisin ika tipisin saman me inan?”