Mateus 23:5 - Chuukese Bible

⁵ Ra föri mettoch meinisin pwe aramas repwe küneer. Oupwe nengeni watten ekewe pwor ra rietä won chamwer me pöür, ekewe wokisin seni ekewe Toropwe mi Pin ra nom lon! Nengeni, langatamen ekewe fout lepwülün üfer!

Mateus 23:5 Iomraidhean Croise

2. King 10:16

Iwe, Jehu a üreni, “Kopwe etiei pwe kopwe küna ai tiliken fän iten ewe Samol mi Lapalap.” Iwe, a eti Jehu le sai won waan woken.

Ekistos 13:9

Ei epwe usun chök eu asisil won pöümi pwal eu pisekin achem won chamwemi, pwe oupwe chök leaweni än ewe Samol mi Lapalap kewe allük. Pun ewe Samol mi Lapalap a emwenikemiiwu seni Isip ren pöün mi manaman.

Än Salomon Fos 3:3

Iwe, kosap mwüt ngeni kirikiröch me allükülük repwe sü senuk, kopwe riretä fän üom o makeretiu lon lelukom.

Lifitikos 13:32

Iwe, lon afisuen rän ewe souasor epwe nenengenöchüsefäli kilingauen ewe aramas. Nge are ewe kil mi pwerik esap lapala, are esap wor ülöülen won mi oleol, esap pwal enalong silin,

Mateus 9:20

Iwe, eman fefin mi riaföü ren an samaun fefin lon ükükün engol me ruu ier a feito me lükisökürün Jesus o atapa lepwülün üfan.

Lukas 16:15

Nge Jesus a üreniir, “Ämi oua alapalapöchükemi fän mesen aramas, nge Kot a silei lelukemi. Pun ekewe mettoch aramas ra ekieki pwe ra kon aüchea ra anioput me ren Kot.

Lukas 20:47

Ra angemwäli imwen ekewe fefin mi mä pwülüer, mürin ra einga ngeni aramas ar iotek mi langatam. Ätekewe repwe küna apwüng mi fokun chou.”

Johannes 12:43

Pun ra aücheani än aramas repwe mwareitiir, lap seni än Kot epwe mwareitiir.

Johannes 5:44

Ämi oua sani ämi oupwe iteföüla me ren eman me eman leimi, nge ousap kütta ämi iteföüla me ren Kot. Epwe ifa usun ämi oupwe tongeni lüküei?

Johannes 7:18

Eman mi kapas fän püsin itan, a chök püsin kütta iteüöchün. Nge eman mi kütta iteüöchün ewe eman a tinato, i eman aramas mi let, nge esap wor och mine a mwäl won.

Tuteronomi 11:18

Iei mine oupwe atolonga ai kei kapas lon lelukemi pwal lon ämi ekiek. Oupwe fötiretä won pöümi pwe eu pisekin achem, oupwe pwal fötiretä won chamwemi.

Tuteronomi 22:12

Kopwe teätä sokun fout lepwülün ufom owokot lesopun me rüanü.”

Tuteronomi 6:8

Kopwe fötiretä won poum pwe eu pisekin achem, kopwe pwal fötiretä won chamwom.

Filipi 1:15

Ewer, ekoch me leir ra afalafala Kraist pokiten ra lolowo me anini, nge pwal ekoch ra afalafala ren öchün letiper.

Filipi 2:3

Ousap föri föförün apangau are föri och ekiekin sikesik, nge oupwe tipetekisonfengen lefilemi, ousap ekieki pwe oua mürina seni ekewe ekoch.

2. Tesalonika 2:4

I epwe ü ngeni iteiten mettoch aramas ra aita ngeni Kot o fel ngeni, epwe pwal püsin seikätä wor meinisin. Epwe mwo nge feila lon än Kot we imwenfel o mot won an lenien mot o püsin aita ngeni pwe i Kot.