Mateus 23:4 - Chuukese Bible

⁴ Ra rifengeni mettoch mi fokun chou o isetä won afaren aramas, nge püsin ir resap pomwe ngeni mwo efoch aütür ar repwe alisiir le keki ekewe mettoch mi chou.

Mateus 23:4 Iomraidhean Croise

Aisea 46:1

Ekewe koten Papilon, Pel me Nepo ra turula. Uluulur kewe oua uweefetalei me lom ra nom won ekewe mönün uwochou, ra fokun chou ngeni ekewe man mi aiengau.

Mateus 23:23

Feiengauemi, ämi Sensen Allük me Farisi! Ämi chon likatuputup! Oua ngeni Kot eu leengolun seni ämi irän nofitin mongö mi annö iter mint, dill me kumin. Nge ousap aleasochis ngeni ekewe allük mi fokun aüchea usun pwüng, kirikiröch me allükülük. Ekei allük oupwe fokun apwönüretä, nge ousap pwal tümwününgau ngeni ekewe ekoch.

Mateus 23:3

Iei mine oupwe aleasochis o föri meinisin mine ra ürenikemi, nge ousap apirü ar föför, pun resap manaueni mine ra eäni afalafal.

Lukas 11:46

Jesus a pölüeni, “Feiengauemi, pwal ämi kewe Sensen Allük! Pun oua isetä mettoch mi chou won ekewe aramas, a fokun weires ar repwe mwärei, nge ämi ousap mwo nge pwisi ngeni efoch aütumi ekewe mettoch mi chou.

Föför 15:10

Iwe, pwota oua sotuni Kot iei ren ämi anomu won afaren ekewe chon lükü Jesus och chou ach kewe lewo pwal püsin kich mwo nge sisap tongeni uwei?

Föför 15:28

Ewe Ngünmifel me äm aia tipeeufengen pwe aisap anomu womi och chou, pwe ekei chök allük oupwe apwönüretä:

Kalatia 6:13

Pwal mwo nge chokewe mi sirkomsais resap aleasochis ngeni ekewe Allük. Ra mochen pwe ämi oupwe pwal sirkomsais, pwe ra tongeni aingaing won ämi tipeeu ngeni ei sokun föför.

1. Johannes 5:3

Pun wewen ach echeni Kot pwe sia aleasochisi an kewe allük. Nge an kewe allük resap weires ngenikich,

Pwärätä 2:24

Nge ekewe ekoch me leimi lon Tiatira ousap aleasochisi ei sokun kait mi ngau, ämi ousap kaiö met ekewe ekoch ra aita ngeni ‘alololun monomonen ekiekin Satan’, üpwe ürenikemi pwe üsap anomu womi och chou.