Mateus 23:3 - Chuukese Bible

³ Iei mine oupwe aleasochis o föri meinisin mine ra ürenikemi, nge ousap apirü ar föför, pun resap manaueni mine ra eäni afalafal.

Mateus 23:3 Iomraidhean Croise

2. Kronika 30:12

Nge Kot a pwal angang lon letipen chon Juta, pwe ra tipeeufengen o aleasochisi mine ewe king me ekewe nöüwis ra eäni allük fän alon ewe Samol mi Lapalap.

Ekistos 18:23

Are kopwe föri ei, Kot epwe apöchökülok pwe kopwe tufichin sopwela ei angang. Iwe, ekei aramas meinisin repwe pwal liwiniti lenier fän kinamwe.”

Mateus 21:30

Mürin ewe sam a feila ren ewe aruomanün nau o üreni usun met a üreni ewe mi watte. Ewe nau a pölüeni, ‘Ewer, ai samol, üpwe feila,’ nge esap feila.

Mateus 23:2

“Ekewe Sensen Allük me ekewe Farisi a wor ar pwüüng pwe repwe awewei än Moses kewe allük.

Mateus 23:4

Ra rifengeni mettoch mi fokun chou o isetä won afaren aramas, nge püsin ir resap pomwe ngeni mwo efoch aütür ar repwe alisiir le keki ekewe mettoch mi chou.

Föför 5:29

Iwe, Petrus me ekewe ekoch soukünö ra pölüeni, “Äm aipwe chök aleasochisi Kot lap seni äm aleasochisi aramas.

Nöün Paulus Toropwe ngeni ekewe Souläng lon Rom 13:1

Aramas meinisin repwe aleasochisi nöüwisen ewe mwü mi nemeniir. Pun esap wor ar nemenem are Kot esap mwütätä ngeniir, nge Kot a ngeni ekewe nöüwis wiser pwe repwe nemenem.

Tuteronomi 4:5

Nengeni, üa aiti ngenikemi ekewe allük me pwüüng usun ewe Samol mi Lapalap ai we Kot a allük ngeniei, pwe oupwe apwönüretä lon ewe fanü ämi oupwe le tolong lon pwe oupwe fanüeni.

Tuteronomi 5:27

En kopwe kan ngeni ewe Samol mi Lapalap ach we Kot o aüselinga meinisin mine epwe apasa. Mürin, kopwe asile ngenikem meinisin mine ewe Samol mi Lapalap ach Kot epwe kapas ngonuk. Nge äm aipwe aüselinga o aleasochisi.’

2. Timoty 3:5

Repwe pomweni pomwen souläng, nge manamanan ra pöütala. Kosap chiechi ngeni ekei sokun aramas.

Titus 1:16

Ra apasa pwe ra silei Kot, nge ar föför a pwärätä pwe resap silei i. Ra anioput me ren Kot, ra lükümach, resap tongeni ar repwe föri och mi mürina.