Mateus 23:2 - Chuukese Bible

² “Ekewe Sensen Allük me ekewe Farisi a wor ar pwüüng pwe repwe awewei än Moses kewe allük.

Mateus 23:2 Iomraidhean Croise

Esra 7:25

Nge en Esra, lon om tipachem om Kot a fang ngonuk, kopwe filätä ekewe samol me soukapwüng, repwe eäni kapwüngün ekewe aramas meinisin mi nom lon ewe fanü lotoun ewe chanpupu Oifrat, chokewe meinisin mi silei än om we Kot kewe allük. Nge chokewe resamwo silei ekewe allük, kopwe aiti ngeniir.

Esra 7:6

Ei mwän Esra eman soumak mi fokun silei ekewe allük ewe Samol mi Lapalap ewe Koten Israel a ngeni Moses. Iwe, pokiten ewe Samol mi Lapalap an we Kot a ümöümöch ngeni, iei mine ewe king a mwüt ngeni meinisin mine a tüngor.

Malakai 2:7

Pun wisen eman souasor, epwe aiti ngeni aramas mine repwe silei Kot ren. Repwe feito ren pwe repwe kaiö seni, pun i eman chon künö nöün ewe Samol mi Unusen Manaman.

Mateus 23:3

Iei mine oupwe aleasochis o föri meinisin mine ra ürenikemi, nge ousap apirü ar föför, pun resap manaueni mine ra eäni afalafal.

Markus 12:38

Iwe, Jesus a afalafaleer o üreniir, “Oupwe afälikemi ren ekewe Sensen Allük ra sani ar fetalfeil fän üfer mi langatam, ra pwal sani än aramas repwe kapong ngeniir fän menin lon ekewe lenien amömö,

Lukas 20:46

“Oupwe afälikemi ren ekewe Sensen Allük, ra sani ar repwe fetalfeil fän üfer mi langatam, ra pwal sani än aramas repwe kapong ngeniir fän suföl lon ekewe lenien amömö. Ra aea ekewe lenien mot än ekewe meilap lon ekewe imwen felikis, pwal ekewe leni fän iten aramas mi iteföüla lon ekewe lenien kametip.

Tuteronomi 33:3

Ellet, a tongei nöün aramas. Nöün chon pin ra nom lepöün. Iwe, ra chapetiu arun pechen o angei an öüröür,