Mateus 23:16 - Chuukese Bible

¹⁶ Feiengauemi, ämi souakom mi mesechun! Oua apasa, ‘Are eman a akapelü ewe imwenfel, esap wisen föri pwüngün mine a eäni pwon. Nge are a akapelü ekewe mettoch seni kolt lon imwenfel, epwe fokun föri pwüngün.’

Mateus 23:16 Iomraidhean Croise

Aisea 9:16

Pun chokewe ra emweni ekei aramas ra atokerela, nge chokewe mi tapwela mürir repwe feiengau.

Mateus 15:14

Ousap ekieki usur! Ir chon chun mi emweni ekewe chon chun. Nge lupwen eman chon chun a emweni eman chon chun, ir me ruoman repwe turulong lon pwang.”

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Mateus 23:17

Umwesimi me mesechunemi! Met a fokun aüchea, ekewe mettoch seni kolt ika ewe imwenfel ewe kolt a pin ren?

Mateus 23:19

Mesechunemi! Met a fokun aüchea, ewe asor ika ewe rongen asor ewe asor a pin ren?

Mateus 23:24

Mesechunemi, ämi souakom! Oua churawu eman long seni lon ünümemi minen ün, nge oua oromala eman kamel!

Mateus 23:26

Mesechunemi, ämi Farisi! Oupwe akomwen limeti lon ewe kap me ewe sepi, mürin epwe pwal limöchüla ewe lükün.

Kalatia 5:3

Üpwe asilesefäli ngenikemi, pwe ika eman mwän epwe tipeeu ngeni an epwe sirkomsais, ätewe epwe fokun aleasochisi ekewe Allük meinisin.

James 5:12

Ämi pwii kana, mwen mettoch meinisin, ousap pwon fän akapel. Ousap ö: pölü läng ika fanüfan ika och mettoch. Are oua apasa “Ewer”, epwe enletin ewer, nge are oua apasa “Apw”, epwe enletin apw, pwe ousap tolong lon än Kot kapwüng.