Mateus 23:13 - Chuukese Bible

¹³ “Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Mateus 23:13 Iomraidhean Croise

Aisea 33:14

Ekewe chon tipis lon Sion ra niuokus, nge chokewe resap lükü Kot ra chechech. Ra ais, “Iö leich epwe tongeni manau ren än Kot apwüng mi wewe ngeni eu ekkei mi sarara tori feilfeilachök?”

Sekaraia 11:17

Feiengauen ei chon mas mi lomotongau a likitala ewe pwiin sip. Amwo ewe ketilas epwe pökü pöün me pelifichin mesan. Pöün epwe fokun pwasala, nge pelifichin mesan epwe wesewesen chunela.”

Mateus 23:16

Feiengauemi, ämi souakom mi mesechun! Oua apasa, ‘Are eman a akapelü ewe imwenfel, esap wisen föri pwüngün mine a eäni pwon. Nge are a akapelü ekewe mettoch seni kolt lon imwenfel, epwe fokun föri pwüngün.’

Mateus 23:23

Feiengauemi, ämi Sensen Allük me Farisi! Ämi chon likatuputup! Oua ngeni Kot eu leengolun seni ämi irän nofitin mongö mi annö iter mint, dill me kumin. Nge ousap aleasochis ngeni ekewe allük mi fokun aüchea usun pwüng, kirikiröch me allükülük. Ekei allük oupwe fokun apwönüretä, nge ousap pwal tümwününgau ngeni ekewe ekoch.

Mateus 23:25

Feiengauemi, ämi Sensen Allük me Farisi! Ämi chon likatuputup! Oua limeti lükün ämi kap me sepi, nge lon a ur ren mine a torikemi ren angangen mwäneson me kirikiringau.

Mateus 23:27

Feiengauemi, ämi Sensen Allük me Farisi! Ämi chon likatuputup! Oua usun chök ekewe peias mi peinitipwech ra lingöch me lükün, nge lon ra ur ren chün aramas me machen somä.

Mateus 23:29

Feiengauemi, ämi Sensen Allük me Farisi! Ämi chon likatuputup! Oua föri peias mi fokun mürina fän iten ekewe soufos o alinga ekewe föün achem fän iten ekewe chon pwüng.

Mateus 3:7

Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?

Lukas 11:52

Feiengauemi, ämi Sensen Allük! Pun oua amwöchü kien asamen silei (mettochun mwün läng). Püsin ämi ousap tolong lon, nge oua epeti chokewe mi mochen tolong lon.”

Johannes 9:22

Saman me inan ra apasa ei ititin kapas, pun ra niuokusiti ekewe nöüwisen chon Juta. Pun ekewe nöüwis ra fen tipeeufengen, pwe iö mi pwärätä pwe Jesus ewe Kraist epwe katowu seni ar we mwich lon ewe imwen felikis.

Johannes 9:24

Iwe, ra kökkörato ewe mwän mi mesechun me mwan fän aruuan o üreni, “Kopwe pwon fän mesen Kot pwe kopwe pwärätä mine a let! Äm aia silei pwe ei mwän mi anenelok i eman chon tipis.”

Johannes 9:34

Iwe, ra üreni, “En ka uputiu lon tipis o märitä lon tipis, pwota ka ekiekin afalafalakem?” Iwe, ra atowu ewe mwän seni ewe imwen felikis.

Föför 13:8

Nge ewe sourong Elimas a pölüeniir. (Elimas iei itan lon kapasen Krik.) A sotuni an epwe akulu letipen ewe kepina an esap lükü Jesus.

Föför 5:28

A üreniir, “Äm aia allük pöchökül ngenikemi pwe ousap chüen afalafal mine ei mwän a aiti ngenikemi. Oupwe nengeni met oua föri! Oua achöfetalei ämi afalafal lon unusen Jerusalem, oua pwal ekiekin atipisikem ren än ei mwän mäla.”

Föför 5:40

Iwe, ra köralong ekewe soukünö. Mürin ra allük ngeni ekewe chon mas pwe repwe wichiir, ra pwal pöchökül le fönöü ngeniir, pwe resap fokun chüen afalafal usun iten Jesus. Mürin ra amuseerela.

Föför 8:1

Iwe, Saul a fokun tipeeu ngeni ar niela Stefanus. Lon ena chök rän chon ewe mwichefel lon Jerusalem ra tolong lon watten riaföü. Ekewe souläng meinisin ra toropasfeil lon unusen ewe fanü Jutea me Samaria, chilon chök ekewe soukünö.

2. Timoty 3:8

Usun Jannes me Jampres ra ü ngeni Moses, ina usun ekei aramas ra ü ngeni ewe let, ir aramas mi fokun ngau ar ekiek, ar lükülük esap pwüng.

2. Timoty 4:15

Kopwe afäluk ren ätewe, pun a fokun pöchökül le ü ngeni ach afalafal.