Mateus 22:4 - Chuukese Bible

⁴ Mürin a tinala pwal ekoch chon angang o üreniir, ‘Oupwe asile ngeni ekewe chon kökköto, pwe ngang üa amolätä ai we kametip. Nei kewe ätemwänin kow me ekewe nienifön kow mi aümanau ra fen wes me kuk o mettoch meinisin a molotä. Oupwe feito fiti ewe kametipen apwüpwülü.’

Mateus 22:4 Iomraidhean Croise

Nehemia 9:17

Resap fokun mochen aleasochis ngonuk, resap pwal ekieki ekewe manaman ka föri lefiler. Nge ra chök tipepöchökül o filätä eman souemwen, epwe aliwinirela Isip pwe aramas repwe nöüniir amanau. Nge en eman Kot mi amusala tipis, ka kirikiröch o ümöümöch, ka pwal songomang o wöün tong ellet. Iei mine kosap likitirela,

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Än Salomon Fos 15:17

A mürina ach mongöfengen iasai, nge mi wor tong lefilach, lap seni ach ochochfengen fituken kow mi kiris, nge mi wor koput lefilach.

Än Salomon Köl 5:1

Kofoti, en mi wor tongom me rei, üa feito ren tanipii we. Üa ionifengeni ai säfei mi aüchea itan mör me ai nofitin mongö, üa neni ai fasen chunen me chönün, üa pwal ünümi ünümei wain me ünümei milik. Oupwe mongö o ün, ämi chienei. Ämi chienei mi achengicheng, oupwe fokun ün.

Mateus 21:36

Mürin ewe mwän a pwal tinala ekoch chon angang mi chomong seni ekewe me mwan. Iwe, ekewe chon mälämäl ra pwal föri ngeniir usun met ra föri ngeni ekewe mi akom.

Mateus 22:5

Nge ekewe chon kökköto resap afäli, ra feila ngeni en me an angang: Eman a feila ngeni an tanipi, nge eman a feila ngeni an lenien amömö,

Mateus 22:8

Mürin a körato nöün kewe chon angang o üreniir, ‘Ai kametipen apwüpwülü a fen molotä, nge chokewe mi kökköto resap fich ngeni.

Lukas 14:17

Lupwen a tori fansoun ewe kametip, a tinala nöün kewe chon angang pwe repwe asile ngeni ekewe chon kökköto, ‘Oupwe etto, a molotä meinisin.’

Föför 1:8

Nge ämi oupwe angei ewe manaman lupwen Ngünmifel epwe feitiu womi, iwe, oupwe pwäriei lon Jerusalem, lon unusen Jutea me Samaria tori lon unusen fanüfan.”

Föför 13:46

Mürin Paulus me Parnapas ra pölüeniir fän pwora, “A pwüng ngenikem äm aipwe akomwen afalafala ngenikemi ewe kapasen Kot. Nge pokiten ousap etiwa, ousap pwal ekieki pwe oua fich ngeni ewe manau esemüch, aipwe likitikemi o feila ngeni ekewe chon lükün Israel.

Nöün Paulus Toropwe ngeni ekewe Souläng lon Rom 8:32

Ewer, esap Kot, pun i esap mwo nge amwöchü püsin Nöün, pwe a fangala fänäsengesich meinisin. Ifa usun, esap pwal fang ngenikich mettoch meinisin me Nöün we?