Mateus 22:3 - Chuukese Bible

³ A tinala nöün kewe chon angang ar repwe asile ngeni ekewe chon kökköto, pwe repwe feito fiti ewe kametip. Nge ir resap mochen feito.

Mateus 22:3 Iomraidhean Croise

Kölfel 68:11

Ewe Samol a atowu ewe kapas. A fokun lapalap ewe mwichen fefin mi arongafeili ewe pworausen win,

Aisea 30:15

Iei alon Kot ewe Samol mi Lapalap, Ewe mi Pin lon Israel, “Oupwe küna manau ren ämi liwinsefäl ngeniei me ämi asösö rei, oupwe pwal küna pöchökül ren ämi mosonotam me ämi lükülük. Nge ämi ousap mochen.

Jeremaia 25:4

Ämi ousap mochen aüseling ika aü selingemi pwe oupwe rongorong, inamwo ika ewe Samol mi Lapalap a tinikisiela remi nöün kewe chon angang ekewe soufos.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Osea 11:2

Nge lupwen üa alapala ai kökköriir, ir ra chök alapala ar feila seniei. Nei aramas ra asor ngeni ekewe anü Paal o keni apach mi pwokus ngeni ekewe uluulun anümwäl.

Osea 11:7

Nei aramas ra oucho le kul seniei. Inamwo ika ra siö ngeniei, üsap fokun angaseer.

Sefanaia 1:7

Oupwe mosonosonola fän mesen Kot ewe Samol mi Lapalap. Pun ränin ewe Samol mi Lapalap a arapoto. A amolätä eu asor o apini chokewe a körireto.

Mateus 21:34

Nge lupwen a tori fansoun kinikin, a tinala nöün kewe chon angang ren ekewe chon mälämäl, pwe repwe angei seniir wisan me lon ekewe föün wain.

Mateus 23:37

“Jerusalem, Jerusalem! Ka niela ekewe soufos o mone fau ngeni ekewe chon künö Kot a tinato reöm! A fän fite ai mochen achufengeni noumw kewe aramas usun eman inelapen chuko a amwichafengeni nöün kana fän pöükässin, nge ämi ousap mochen.

Mateus 3:2

Iwe, a apasa, “Oupwe aier seni ämi tipis, pun a arap Mwün Läng.”

Mateus 9:15

Jesus a pölüeniir, “Ifa usun, oua ekieki pwe ekewe chon kökkö ngeni fetallapen apwüpwülü ra letipeta lupwen ewe mwän apwüpwülü söfö a nom rer? Apw! Nge epwe war ewe rän lupwen aramas repwe angei seniir ewe mwän apwüpwülü söfö fän pöchökül, lon ena otun repwapw echikefel.

Lukas 13:34

“Ämi chon Jerusalem, ämi chon Jerusalem, oua niela ekewe soufos o monei fau ngeni ekewe chon künö Kot a tiniireto remi. Fän chomong üa mochen achufengeni nöümi aramas, usun eman chuko a achufengeni nöün fan pöükässin, nge ämi ousap mochen.

Lukas 15:28

Iwe, ewe mwänichi a fokun song, pwe esap mochen tolong lon ewe imw. Iei mine saman we a towu ren o tüngormau ngeni pwe epwe tolong.

Lukas 19:27

Nge chokewe mi oputaei resap mochen ai üpwe nöür king, oupwe emweniireto ikei o niirela me mwei.’”

Johannes 5:40

Nge ämi ousap mochen feito rei pwe oupwe eäni ewe manau.

Föför 13:45

Nge lupwen ekewe chon Juta ra küna ewe mwicheichen aramas, ra fokun lolowo. Ra esita mine Paulus a apasa o kapasingau usun.

Nöün Paulus Toropwe ngeni ekewe Souläng lon Rom 10:21

Nge fänäsengesin Israel a apasa, “Iteiten rän üa aitiela pei, pwe üpwe etiwa eu mwichen aramas mi lükümach o ü ngeniei.”

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Ipru 9:15

Iei popun Kraist a wisen chon afförün ewe pwon mi fö, pwe chokewe Kot a köriir repwe angei ewe feiöch esemüch, Kot a fen pwon. Ei a tongeni fis, pun Kraist a mäla pwe epwe angasa aramas seni ar tipis kana ra föri fän ewe aeuin pwon.

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

1. Samuel 9:13

Lon ewe otun oupwe tolong lon ewe telinimw, oupwe küna mwen än epwe feitä ren ewe lenien fel pwe epwe mongö. Pun ekewe aramas resap mongö tori epwe war, pokiten i epwe afeiöchü ewe asor. Mürin, chokewe mi kökköto repwe mongö. Oupwe müttir feitä, pun oupwe churi iei chök.”