Mateus 22:16 - Chuukese Bible

¹⁶ Ra tinala ren Jesus ekoch nöür kewe chon kaiö me ekoch chiechien Herotes pwe repwe üreni, “Sense, äm aia silei pwe en ka kapas wenechar. Ka afalafala mine a let usun letipen Kot fän iten aramas, nge kosap ekieki mine aramas ra eäni ekiek, pun kosap nenengeni wisen eman.

Mateus 22:16 Iomraidhean Croise

1. King 22:14

Nge Mikaia a pälüeni, “Mwo manauen ewe Samol mi Lapalap, mine ewe Samol mi Lapalap a üreniei, ina chök üpwe apasatä.”

Kölfel 12:2

Iteiten eman me eman a chofana ngeni chon arun. Ra chök eäni kapas atuputup lefiler.

Kölfel 5:9

Chon oputaei ra apasa mine a chofana, leluker a chök ekiekin kata, ar kapas a motoutou, nge ra uren atuputup mi afeiengau.

Kölfel 55:21

An fos a mwotoutou seni pwötö, nge ekiekin maun a nom lon lelukan. An kewe kapas ra pwetete seni lö, nge ra ken usun chök kenin ekewe ketilas.

Än Salomon Fos 29:5

Eman aramas mi eäni kapas amichimich ngeni chon arun a ameresala eu cheew fän iten püsin pechen.

Malakai 2:6

Ra aiti ngeni aramas mine a let, nge resap apasa och mi mwäl. Ra etiei le fetal fän kinamwe me wenechar, nge ra akulu letipen chomong aramas pwe resap föri tipis.

Malakai 2:9

Iei mine üpwe föri pwe ekewe aramas meinisin repwe turunufaseekemi o aücheangauakemi, pokiten ousap föri letipei, nge oua pwal lifilifil lon ämi aiti ngeni aramas ekewe allük.”

Mateus 22:24

Iwe, ra apasa, “Sense, Moses a üra pwe are eman mwän a mäla, nge esap wor nöün me won pwülüan, pwiin ei mwän epwe fokun pwülüeni ei fefin, pwe epwe wor nöün fän iten mwirimwirin pwiin we mi mäla.

Mateus 22:26

Iei usun chök a pwal fis ngeni ewe aruomanün me ewe aülümanün tori ewe afümanün.

Mateus 26:18

Jesus a pölüeniir, “Oupwe feila lon ewe telinimw ren eman mwän o oupwe üreni, ‘Nöüm sense a üra: A tori ai fansoun. Ngang me nei kewe chon kaiö aipwe mongö ewe mongön Pasofer lon imwom.’”

Mateus 26:49

Iwe, Jutas a fetal wenewen ngeni Jesus o üreni, “Sense, kinamwe epwe nonom reöm.” Mürin a mitiri.

Markus 10:17

Iwe, lupwen a popuetasefäli an sai, eman mwän a säto ren, a fotopwäsuk mwan o tüngor ngeni, “Sense mi mürina, met ngang üpwe föri pwe üpwe manaueni manau esemüch?”

Markus 12:13

Iwe, ra tinala ekoch Farisi me ekoch chiechien Herotes, pwe repwe rawei Jesus lon an kapas.

Markus 12:14

Iwe, ra feito ren Jesus o üreni, “Sense, äm aia silei pwe ka kapas wenechar, nge kosap ekieki mine aramas ra eäni ekiek. Kosap nenengeni wisen eman, nge ka afalafala usun letipen Kot fän iten aramas. Kopwe ürenikem ika a pwüng ach sipwe mönätiu ach takises ngeni Sisar ika ese pwüng.

Markus 3:6

Mürin ekewe Farisi ra towu o müttir popuetä le pwüngüpwüngfengen me ekoch chiechien Herotes usun ar repwe rawangauei Jesus.

Markus 8:15

Iwe, Jesus a üreniir, “Oupwe tümwünüfichi o afälikemi ren ewe iis än ekewe Farisi me Herotes.”

Lukas 20:21

Ekei chon op ra üreni Jesus, “Sense, äm aia silei pwe ka kapas o afalafal fän wenechar. Aia pwal silei pwe kosap nenengeni nonomun aramas, nge ka afalafala mine a let usun letipen Kot ngeni aramas.

Lukas 7:40

Iwe, Jesus a üra, “Simon, üa mochen kapas ngonuk won och mettoch.” Simon a pölüeni, “Ewer sense, kopwe üreniei.”

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Johannes 18:37

Iei mine Pilatus a aisini, “Iwe, met, en eman king?” Jesus a pölüeni, “En ka fen apasa pwe ngang eman king. Popun ai uputiu o tolong lon ei fanüfan, pwe üpwe pwärätä mine a let. Iö a pop seni let epwe aüselingaei.”

Johannes 7:18

Eman mi kapas fän püsin itan, a chök püsin kütta iteüöchün. Nge eman mi kütta iteüöchün ewe eman a tinato, i eman aramas mi let, nge esap wor och mine a mwäl won.

2. Korint 2:17

Äm aisap usun ekewe chomong aramas ra aea än Kot kapas minen amömö fän iten ar repwe kütta win. Nge pokiten Kot a tinikem, äm aia kapas fän wenechar mwen mesan usun nöün Kraist chon angang.

2. Korint 4:2

Nge aia pöütala ekewe föför meinisin mi monomon me ekewe föför mi asäw. Aisap föri föförün atuputup, aisap pwal amwäli än Kot kapas. Nge aia pwärätä mine a let mwen mesen Kot o sotuni äm aipwe aitöchükem ngeni ekiekin aramas meinisin.

2. Korint 5:16

Seni ei fansoun sisap chüen ekieki och mettoch usun eman aramas lon pekin fituk. Inamwo ika sia ekieki usun Kraist lon pekin fituk me mwan, nge iei sisap chüen ekieki usun ei.

Kalatia 1:10

Ifa usun, üa sotuni ai üpwe apwapwai letipen aramas? Apwi! Üa mochen kütta met Kot epwe pwapwa ren! Ifa usun, üa sotuni ai üpwe kütta itei me ren aramas? Are üpwe chüen kütta itei me ren aramas, ngang üsap nöün Kraist chon angang.

Kalatia 2:6

Nge ätekewe, aramas ra apasa pwe ir souakom, üa apasa ei pokiten esap lifilifil me rei met sokun aramas ir. Kot esap nenengeni lapalapen aramas me lükün, üpwe apasa, ekei souakom resap apasa pwe üpwe siwili och lon ai afalafal.

Tuteronomi 33:9

Ra kapas usun semer me iner, ‘Üsap sileer.’ Resap aücheani pwiir, resap pwal silei nöür. Nge ra apwönüetä om kewe kapas o tümwünü om pwon.

1. Tesalonika 2:4

Nge iteiten fansoun aia apasatä mine Kot a mochen, pun a apwüngala pwe aipwe fich ngeni an epwe lükü ngenikem ewe Pworausen Manau. Äm aisap mochen apwapwai aramas, nge aia mochen apwapwai Kot ewe mi sotuni ekiekin letipach.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.