Mateus 22:13 - Chuukese Bible

¹³ Mürin ewe king a üreni ekewe chon angang, ‘Oupwe föti pöün me pechen ei mwän o aturawu lon rochopwaken lükün. Ikenan epwe pupuchör o akarüngi.’”

Mateus 22:13 Iomraidhean Croise

Kölfel 112:10

Ekewe aramasangau ra küna ei o song ren, ra attina meser, nge mürin resap chüen nom. Än ekewe aramasangau mochen esap pwönüetä.

Kölfel 37:12

Ekewe aramasangau ra rawangauei ewe chon pwüng o afochofoch ngeni.

Aisea 52:1

Kopwe pwätä, kopwe pwätä, Jerusalem, kopwe angei pöchökül pwe kopwe pöchökülsefäl. Kopwe pwilitalong womw ufom mi ling, en Jerusalem ewe telinimw mi pin. Iwe, chokewe resap sirkomsais pwal chokewe mi limengau resap chüen tolong lomw.

Taniel 3:20

Iwe, a körato ekoch sounfiu mi pöchökül seni an mwichen sounfiu pwe repwe föti Satrak, Mesak me Apetneko o atururolong lon ewe lenien ekkei mi fokun sarara.

Mateus 12:29

Esap wor eman a tongeni atalong imwen eman mwän mi pöchökül o angeala pisekin, are esap akomwen föti ewe mwän mi pöchökül. Mürin a tongeni angeala pisekin lon imwan.

Mateus 13:30

Oupwe likitiir pwe repwe mämäritäfengen tori fansoun kinikin. Mürin ngang üpwe üreni ekewe chon angangen räs pwe repwe akomwen üttätä ekewe pötöwölingau, repwe pilüküfengeniir o keniirela. Mürin repwe achufengeni ekewe wiich o iseniir lon ai lenien iseis.’”

Mateus 13:42

Repwe atururelong lon ewe lenien ekkei ia repwe pupuchör o akarüngi ie.

Mateus 13:50

Repwe aturalong ekewe aramasangau lon ewe lenien ekkei ia repwe pupuchör o akarüngi ie.”

Mateus 24:51

Iwe, ewe masta epwe apwüngü ngeni mäla o alenia lon lenien ekewe chon likatuputup. Ikewe epwe kechü o akarüngi ie.

Mateus 25:30

Nge ren ei chon angang mi lomotongau, oupwe aturawu lükün lon ewe lenien rochopwak. Ikenan epwe pupuchör o akarüngi ie.’

Mateus 8:12

Nge chokewe itä ürürün repwe nom lon ewe Mwün Kot repwe koturuwu lon ewe lenien rochopwak ia repwe pupuchör o akarüngi ie.”

Lukas 13:28

Iwe, oupwe fokun puchör o akarüngi ikenan, lupwen oupwe küna Apraham me Isaak me Jakop me ekewe soufos meinisin lon Mwün Kot, nge püsin ämi oupwe kösüla lükün.

Johannes 21:18

Enlet, üpwe wesewesen ürenuk: Lupwen om alüal ka soun ri lukalapom o feila ia ka mochen feila ie. Nge lupwen kopwe chinlap, kopwe aitiela poumw, nge eman epwe ri lukalapom o emwenukela ia kosap mochen feila ie.”

Föför 21:11

A feito rem, a angei än Paulus pelit o föti ngeni pöün me pechen, iwe, a üra, “Iei met ewe Ngünmifel a apasa: ‘Ekewe chon Juta mi nom lon Jerusalem repwe föti ätewe mine an ei pelit lon ei lapalap, repwe pwal atolonga lepöün ekewe chon lükün Israel.’”

Föför 7:54

Iwe, lupwen chon ewe mwichen soupwüng ra rongorong ngeni än Stefanus afalafal, ra fokun lingeringer o asüngürü ngiir lon ar song.

2. Tesalonika 1:9

Ir repwe riaföü ren ewe apwüngün feiengau esemüch, repwe imwü seni mwen mesen ach Samol pwal seni an we pöchökül mi amwarar,

2. Petrus 2:17

Ekei mwän ra usun chök chönüttu esor koluk lon, ra usun chök kuchu mi ässila ren eu mölümöl. Kot a amolätä fän iter eu leni mi fokun rochokich.

2. Petrus 2:4

Pun Kot esap achika ekewe chon läng mi tipis, nge a atururelong lon hell, ewe ia ra fötek ie lon rochokichin rochopwak o witiwiti ewe Ränin Kapwüng.

Jutas 1:13

Ra usun chök ekewe nongauen lematau mi puropuretä ren ar föför mi asäw. Ra usun chök füün amwalech, Kot a fen amolätä fän iter eu leni lon rochokichin rochopwak tori feilfeilachök.

Jutas 1:6

Oupwe chechemeni ekewe chon läng resap menemenöch ren wiser, nge ra likitala wesewesen lenier. Ra föfö ngeni sein esap tongeni mwü lon ewe rochokich mi nom fan, ia Kot a fötekiniirelong ie tori ewe Rän mi lap i epwe apwüngüür lon.

Pwärätä 21:27

Nge esap fokun wor och mi limengau epwe tolong lon ewe telinimw, ika eman mi föri föför mi asäw, ika eman mi chofona. Pun chokewe chök a mak iter lon än ewe Lam puken iten chon manau repwe tolong lon ewe telinimw.