Mateus 21:9 - Chuukese Bible

⁹ Iwe, ekewe chomongun aramas mi akom mwen Jesus, pwal chokewe mi tapweto mürin ra popuetä le kökkö, “Sipwe mwareiti Nöün Tafit! Kot epwe afeiöchü ätewe mi feito fän iten ewe Samol! Ousipwe mwareiti Kot!”

Mateus 21:9 Iomraidhean Croise

Kölfel 148:1

Ousipwe mwareiti ewe Samol mi Lapalap. Oupwe mwareiti ewe Samol mi Lapalap seni won läng, oupwe mwareiti i me won ekewe leni tekia.

Mateus 21:10

Iwe, lupwen Jesus a tolong lon Jerusalem, unusen chon ewe telinimw ra mwökütüküt ren. Ra ais, “Iö ätewe?”

Mateus 21:15

Nge lupwen ekewe souasor mi lap me ekewe Sensen Allük ra küna ekewe manaman mi amwarar Jesus a föriir, ra pwal küna ekewe semirit mi kökkö lon ewe imwenfel, “Sipwe mwareiti Nöün Tafit,” ra song.

Mateus 23:39

Pun üpwe ürenikemi, pwe seni lon ei fansoun ousap chüen künasefäliei tori oupwe apasa, ‘A feiöch ätewe a feito fän iten ewe Samol.’”

Mateus 9:27

Lupwen Jesus a feila seni ewe leni, ruoman mwän mi mesechun ra tapwela mürin. Ra kökkö ngeni fän leüömong, “Nöün Tafit, kopwe tongekem!”

Lukas 13:35

Nengeni, ämi we imwenfel epwe pönüla. Nge ngang üpwe ürenikemi, pwe ousap chüen künaei, tori oupwe apasa, ‘A feiöch ätewe a feito fäniten ewe Samol.’”

Lukas 2:14

“Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”