Mateus 21:8 - Chuukese Bible

⁸ Iwe, eu mwichen aramas mi chomong ra oletala üfer kewe won ewe al, nge ekoch ra pwal pöküetiu palen irä o enenala won al.

Mateus 21:8 Iomraidhean Croise

2. King 9:13

Mürin, ekewe meilap ra müttir angei üfer owokot o emeresirela won aeuin foson ewe latö pwe epwe ütä lon, ra pwal ettiki rappwa o kökkö, “Jehu a king.”

Lifitikos 23:40

Lon aeuin rän oupwe angei uän irä mi mürina, pan irä palm, pan irä mi muresires, pwal palen ewe irä itan willow mi mär lükün chanpupu. Iwe, oupwe fokun pwapwa fän mesen ewe Samol mi Lapalap ämi we Kot lon ükükün fisu rän.

Mateus 21:7

Ra emwenato ewe aas me ewe nienifön aas, ra isetä üfer kewe wor, nge Jesus a mot wor.

Markus 11:8

Nge chomong aramas ra ameresala üfer won al, nge pwal ekoch ra pöküetiu palen irä mi muresires o enenala won al.

Lukas 19:36

Lupwen Jesus a wawa ewe aas le feila, aramas ra ameresala üfer kewe won ewe al.

Johannes 12:13

Iei mine ra angei palen ewe irä palm o feila pwe repwe churi. Iwe, ra osomong le kökkö, “Mwareiti Kot! Feiöchün ätewe a feito fän iten ewe Samol! Feiöchün ewe kingen Israel.”