Mateus 21:41 - Chuukese Bible

⁴¹ Ra pölüeni, “Epwe fokun niela ekana mwän mi ngau o awisa ewe tanipin wain ngeni pwal ekoch chon mälämäl mi awora wisan föün wain lon fansoun kinikin.”

Mateus 21:41 Iomraidhean Croise

Kölfel 2:9

Kopwe atarela ren efoch wokomächä, kopwe amökkükisiretiu usun eu sepi mi för seni pwül.”

Aisea 65:15

Iwe, nei kewe aramas üa filiretä repwe föüni itemi lon ar kapasen ottek, nge ngang Kot ewe Samol mi Lapalap üpwe nikemiila. Iwe, üpwe aita ngeni nei kewe chon angang eu it mi fö.

Taniel 9:26

Iwe, mürin ekewe fisu fän wone me ruu ier ewe mi kepit epwe ninnila, nge esap wor popun. Iwe, nöün eman samol sounfiu repwe war o ataela ewe telinimw me ewe Leni mi Pin. Nge sopolan ewe telinimw epwe war usun chök eu noter, epwe pwal fis maun me tatakis tori lesopolan, usun Kot a fen apwüngala.

Sekaraia 12:12

Iwe, chon ewe fanü repwe ngüngüres lon en me an famili. Ekewe famili ir mwirimwirin Tafit, ekewe mwän won ar, nge pwülüer won ar. Ekewe famili ir mwirimwirin Natan, ekewe mwän won ar, nge pwülüer won ar.

Sekaraia 13:8

Lon unusen ewe fanü ruu leülüngatin aramas repwe mäla, nge eu leülüngatin repwe manau.

Mateus 21:34

Nge lupwen a tori fansoun kinikin, a tinala nöün kewe chon angang ren ekewe chon mälämäl, pwe repwe angei seniir wisan me lon ekewe föün wain.

Mateus 21:40

Mürin Jesus a aisiniir, “Lupwen mine an ewe tanipin wain epwe war, met epwe föri ngeni ekana chon mälämäl?”

Mateus 21:43

Iei mine üpwe ürenikemi, pwe Kot epwe angei senikemi Mwün we o ngeni eu mwichen aramas mi awora ua ren ar föri föför mi pwüng.

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Lukas 20:16

Epwe feito o niela ekei chon mälämäl, nge epwe ngeni pwal ekoch chon mälämäl an we tanipin wain.” Lupwen ekewe aramas ra rongorong ei pworaus, ra apasa, “Apw, sap ina!”

Föför 15:7

Mürin chomongun ar akaninifengen Petrus a ütä o üreniir, “Ämi pwii kana, oua silei pwe ekoch ier ra la Kot a filiei me leimi pwe üpwe afalafala ewe Pworausen Manau ngeni ekewe chon lükün Israel, pwe repwe tongeni rongorong o lükü Jesus.

Föför 18:6

Nge lupwen ekewe chon Juta ra ü ngeni Paulus o apasatä kapas mi ngau usun i, Paulus a pölüeniir ren an wichikala pwülün üfan o üreniir, “Are ämi oua pöütmwälila, püsin tipisimi, nge sap tipisi! Seni ikenai üpwe feila ren ekewe chon lükün Israel.”

Föför 28:28

Iei mine ngang üa mochen pwe ämi oupwe silei, pwe än Kot kapasen manau a tori ekewe chon lükün Israel o ir repwe aüselinga.”

Föför 28:8

Iwe, semen Puplius a mwelilong leimw ren an pwichikar me feiseni. Paulus a tolong lon rumwan o mürin an iotek fän itan a iseis pöün won o apöchökülätä.

1. Tesalonika 2:16

Ra pwal mwo nge sotuni ar repwe pinekem seni äm afalafala ngeni ekewe chon lükün Israel ewe kapasen Kot mi atoto rer manau. Iei ewe amüchülan me lein ekewe tipis meinisin ra föri seni me lom. Iwe, iei än Kot song a fokun feitiu wor.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Ipru 2:3

Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.