Mateus 21:3 - Chuukese Bible

³ Nge are eman epwe apasa och ngenikemi, oupwe üreni, ‘Äm samol a mochen wawa.’ Mürin ätewe epwe mwütiritä lon ewe chök otun.”

Mateus 21:3 Iomraidhean Croise

1. King 17:9

“Iei kopwe feila Sarapat mi nom arun Siton, pwe kopwe nonom ie. Üa allük ngeni eman fefin mi mä pwülüan pwe epwe amongok me ikenan.”

Esra 1:1

Iwe, lon aeuin ierin mwün Sirus ewe kingen Persia, ewe Samol mi Lapalap a amwökütükütü leluken Sirus pwe epwe föri pworausen asilesil ngeni unusen mwün. Ei a fis pwe epwe pwönüetä mine Jeremia a apasa fän alon ewe Samol mi Lapalap. Iwe, Sirus ewe kingen Persia a makeetiu,

Esra 1:5

Mürin, mwänirelan än semer kewe cho seni ewe ainangen Juta me Peniamin, ekewe souasor me ekewe aramas seni ewe ainangen Lefi, pwal ir meinisin Kot a amwökütükütü leluker ra ütä pwe repwe feila o aüsefälietä imwen ewe Samol mi Lapalap mi nom Jerusalem.

Esra 7:27

Iwe, Esra a apasa, “Üa mwareiti ewe Samol mi Lapalap än äm kewe lewo we Kot mi atolonga ei sokun ekiek lon leluken ewe king, pwe epwe alinga imwen ewe Samol mi Lapalap lon Jerusalem.

Kölfel 24:1

Fanüfan me masouan meinisin än ewe Samol mi Lapalap, pwal meinisin mi nonom won ir nöün.

Mateus 21:2

Iwe, a üreniir, “Oupwe feila lon ewe sopw mi nom mwemi. Lupwen oupwe tolong lon, oupwe müttir küna eman aas a riri ikenan, nge nöün a nom ren. Oupwe apichiir o emweniireto rei.

Mateus 21:4

Ei a fis, pwe epwe pwönüetä mine ewe soufos a apasa:

Johannes 17:2

Pun ka ngeni nemenem won aramas meinisin, pwe epwe ngeni chokewe en ka ngeni manau esemüch.

Johannes 3:35

Ewe Sam a echeni Nöün o atolonga mettoch meinisin fän nemeneman.

Föför 17:25

Esap wor och mine a osupwang ren, pwe aramas repwe tongeni awora fän itan, pun püsin i a ngeni aramas manau me ngasangas pwal mettoch meinisin.

2. Korint 8:16

Iwe, aia kilisou ngeni Kot ren an atolonga lon letipen Titus pwe epwe achocho le alisikemi usun chök pwal äm.

2. Korint 8:9

Pun oua silei ewe ümöümöch än ach Samol Jesus Kraist, inamwo ika a pisekisekila, nge a wöüngauela fän itemi, pwe ämi oupwe pisekisekila ren an wöüngau.

James 1:17

Lifang mi mürina meinisin me feiöch mi unusöch meinisin ra feitiu seni läng, ra feitiu seni ewe Sam mi föri ekewe Saram lon läng, ewe esap siwil, esap pwal fis rochopwak ren an kul.

1. Samuel 10:26

Iwe, pwal Saul a liwiniti lenian lon Kipea, nge mwän mi pöchökül o pwora ra eti, pun Kot a angang lon leluker.