Mateus 21:21 - Chuukese Bible

²¹ Jesus a pölüeniir, “Enlet, üpwe ürenikemi, pwe are oua lükü, nge ousap fokun tipemwaramwar, oupwe tongeni föri met ngang üa föri ngeni ei irä fiik. Nge sap chök ei, nge oupwe fen mwo nge tongeni apasa ngeni ei chuk, ‘Kopwe mwöküt seni ei leni o turulong le matau,’ iwe, epwe fis.

Mateus 21:21 Iomraidhean Croise

Mateus 14:29

Jesus a pölüeni, “Kopwe feito!” Iei mine Petrus a tötiu seni won ewe wa o popuetä asaila ren Jesus won ewe matau.

Mateus 17:20

Jesus a pölüeni, “Pokiten a kisikis ämi lükülük. Enlet üpwe ürenikemi, are epwe wor ämi lükülük mi nönnö ngeni eföü pwükilin irä mi fokun kükün, oupwe tongeni üreni ei chuk, ‘Kopwe mwöküt seni ikei o mwökütüla ikenan,’ iwe, epwe mwöküt. Esap wor och mine ousap tufich ngeni.”

Mateus 21:20

Lupwen ekewe chon kaiö ra küna pwe ewe irä a pwasala, ra weitifengeniir o üra, “Ifa usun än ei irä fiik pwasakaila?”

Mateus 8:12

Nge chokewe itä ürürün repwe nom lon ewe Mwün Kot repwe koturuwu lon ewe lenien rochopwak ia repwe pupuchör o akarüngi ie.”

1. Korint 13:2

Are üpwe eäni ewe tufichin osuni o weweöchiti meinisin mine a monomon o eäni silelap meinisin, are üpwe pwal eäni lükülük meinisin, pwe üpwe tongeni amwökütü chuk kana, nge üsap eäni chen, esap wor ai aüchea.

James 1:6

Nge lupwen epwe tüngor, epwe tüngor fän lükülük, nge esap tipemwaramwar. Pun eman mi tipemwaramwar a wewe ngeni eu noon lematau, a mwökütüküt o nono ren asepwäl.