Mateus 21:16 - Chuukese Bible

¹⁶ Iei mine ra aisini Jesus, “Ka rongorong mine ekei semirit ra apasa?” Jesus a pölüeniir, “Ewer, üa rongorong. Ousamwo aleani mine a mak lon ekewe Toropwe mi Pin? ‘En ka föri pwe än ekewe semirit me mönükol kölün mwareituk epwe unusöch.’”

Mateus 21:16 Iomraidhean Croise

Kölfel 8:2

Ekewe semirit me ekewe mönükol ra kölün mwareituk. Ekewe chon oputom resap tongeni afeiengauok. Ka afanafanaloi chon oputom me chon ü ngonuk.

Mateus 11:25

Iwe, lon ena fansoun Jesus a apasa, “Semei, en Samolun läng me fanüfan, üa kilisou ngonuk, pun ka amonomona ekei mettoch seni ekewe mi tipachem me silelap, nge ka pwärala ngeni ekewe tipate.

Mateus 12:3

Jesus a pölüeniir, “Ousap aleani mwo mine Tafit a föri lon ewe fansoun, lupwen i me chienan kewe ra echik?

Mateus 19:4

Jesus a pölüeniir, “Ousap aleani mine a mak lon ekewe Toropwe mi Pin, pwe seni lepoputän ewe mi föri aramas a föri mwän me fefin?

Mateus 22:31

Nge usun manausefälin sotup: Ousap mwo aleani mine Kot a fen ürenikemi? A apasa,

Markus 13:17

Riaföün ekewe fefin mi pwopwo me ekewe inelap mi oupwu nöür lon ekana rän.

Markus 2:25

Jesus a pölüeniir, “Ousap mwo aleani mine Tafit me chienan kewe ra föri lupwen ra echik?

Lukas 21:23

Riaföün ekewe fefin mi pwopwo me ekewe inelap mi oupwu nöür lon ekewe rän, pun epwe wor riaföü mi lapalap lon ei fanü o än Kot song epwe tori ekei aramas.