Mateus 21:15 - Chuukese Bible

¹⁵ Nge lupwen ekewe souasor mi lap me ekewe Sensen Allük ra küna ekewe manaman mi amwarar Jesus a föriir, ra pwal küna ekewe semirit mi kökkö lon ewe imwenfel, “Sipwe mwareiti Nöün Tafit,” ra song.

Mateus 21:15 Iomraidhean Croise

Aisea 26:11

Äm Samol mi Lapalap, ka aitietä poum pwe kopwe apwüngüür, nge resap mefi. Kopwe aiti ngeniir usun om echeni noum aramas pwe repwe säw ren. Nge ewe ekkei ka amolätä fän iten chon oputok epwe kenirela.

Mateus 20:24

Iwe, lupwen ekewe engol chon kaiö ra rongorong ei pworaus, ra chou ngeni ekewe ruoman pwipwi.

Mateus 21:23

Iwe, Jesus a liwinsefälilong lon ewe imwenfel, nge lupwen a afalafal, ekewe souasor mi lap me ekewe souakomwen chon Juta ra feito ren o aisini, “Ka angei me ia om pwüüng pwe ka föri ekei mettoch? Iö a ngonuk om pwüüng?”

Mateus 21:9

Iwe, ekewe chomongun aramas mi akom mwen Jesus, pwal chokewe mi tapweto mürin ra popuetä le kökkö, “Sipwe mwareiti Nöün Tafit! Kot epwe afeiöchü ätewe mi feito fän iten ewe Samol! Ousipwe mwareiti Kot!”

Mateus 22:42

“Met oua ekieki usun ewe Kraist? I mwirimwirin iö?” Ra pölüeni, “I mwirimwirin Tafit.”

Mateus 26:3

Iwe, ekewe souasor mi lap me ekewe souakom ra mwichfengen lon imwen ewe Souasor mi Lap Kaifas.

Mateus 26:59

Iwe, ekewe souasor mi lap me unusen ewe mwichen soupwüng ra kütta och popun mi mwäl ar repwe tip ngeni Jesus won pwe epwe mäla,

Mateus 27:1

Iwe, lupwen a ränila, ekewe souasor mi lap meinisin me ekewe souakom ra pwüngüpwüngfengen usun ar repwe niela Jesus.

Mateus 27:20

Iwe, ekewe souasor mi lap me ekewe souakom ra pese ngeni ewe mwichen aramas pwe repwe tüngor ngeni Pilatus pwe epwe amusala Parapas, nge epwe niela Jesus.

Mateus 9:27

Lupwen Jesus a feila seni ewe leni, ruoman mwän mi mesechun ra tapwela mürin. Ra kökkö ngeni fän leüömong, “Nöün Tafit, kopwe tongekem!”

Markus 11:18

Iwe, lupwen ekewe souasor mi lap me ekewe Sensen Allük ra rong ekei kapas, ra popuetä le kütta efoch alen ar repwe niela Jesus. Nge ra niuokusiti i, pokiten ewe mwichen aramas ra ingeiti an afalafal.

Lukas 20:1

Lon eu rän, lupwen Jesus a nom lon ewe imwenfel o afalafala ekewe aramas ewe Pworausen Manau, ekewe souasor mi lap, ekewe Sensen Allük me ekewe souakom ra feito ren

Lukas 22:2

Ekewe souasor mi lap me ekewe Sensen Allük ra niuokusiti ekewe aramas, iei mine ra sotuni ar repwe rawei Jesus pwe repwe niela le monomon.

Lukas 22:66

Iwe, lupwen a ränila, ekewe souakomwen lamalam, ekewe souasor mi lap me ekewe Sensen Allük ra mwichfengen. Mürin ra etekinala Jesus mwen ewe mwichen souapwüng.

Johannes 11:57

Ekewe souasor mi lap me ekewe Farisi ra atowu eu allük ngeni aramas, pwe are eman epwe silei ia Jesus a nom ie, epwe asile ngeniir, pwe repwe turufi o fötekini.

Johannes 12:19

Mürin ekewe Farisi ra kapasfengen lefiler, “Oua küna, sisap chüen tongeni föri och! Nengeni, unusen chon fanüfan ra tapwela mürin.”

Johannes 4:1

Iwe, ekewe Farisi ra rongorong pwe Jesus a asoulängala o papataisi chomong aramas lap seni Johannes.

Johannes 7:42

Ekewe Toropwe mi Pin ra apasa, pwe Kraist epwe eman mwirimwirin Tafit, epwe uputiu lon Petleem ewe telinimwen Tafit.”