Mateus 21:12 - Chuukese Bible

¹² Iwe, Jesus a tolong lon ewe imwenfel o asüowu ätekewe meinisin mi kamö o amömöla pisek ikenan. A akulätä ekewe chepel än ekewe chon akasiwili moni me ekewe lenien mot än ekewe chon amömö lisom.

Mateus 21:12 Iomraidhean Croise

Ekistos 30:13

Iwe, iei ükükün mine eman mi alealong lon ewe iteit epwe mönätiu: eu lelimu aunus silifer, epwe för won ewe kilo ra aea le aükük lon ewe imw mi pin. Iwe, ewe eu lelimu aunus silifer repwe eäni asor ngeniei.

Lifitikos 1:14

Nge are an asor ngeni ewe Samol mi Lapalap epwe eu asoren kek seni machang, epwe uwato eman lisom ika eman apansüsün lisom.

Lifitikos 12:6

Iwe, lupwen ra wesöchüla ränin an limelim, ese lifilifil ika an limelim fän iten eman ät ika eman nengin, epwe uwato eman lam eu ierin leasamalapen ewe imw mangaku ia aramas ra churi Kot ie ren ewe souasor, pwe an asoren kek, epwe pwal uwato eman apansüsün lisom ika eman lisom pwe an asoren tipis.

Lifitikos 12:8

Nge are ewe fefin esap tufich ngeni an epwe uwato eman lam, epwe chök uwato ruoman lisom ika ruoman apansüsün lisom, eman fän iten asoren kek, nge pwal eman fän iten asoren tipis. Iwe, ewe souasor epwe föri asoren amusamusen tipis fän iten ewe fefin pwe epwe limöch.

Lifitikos 14:22

Iwe, epwe pwal uwato ruoman lisom ika ruoman apansüsün lisom ükükün chök an tongeni, eman epwe fän iten asoren tipis, nge ewe eman epwe fän iten asoren kek.

Lifitikos 14:30

Mürin, epwe eäni asor ekewe ruoman lisom ika ekewe ruoman apansüsün lisom ükükün än ewe aramas tongeni.

Lifitikos 15:14

Iwe, lon awaluen rän epwe angei ruoman lisom ika ruoman apansüsün lisom, epwe feito fän mesen ewe Samol mi Lapalap leasamalapen ewe imw mangaku ia aramas ra churi Kot ie, o ngeni ewe souasor ekewe lisom.

Lifitikos 15:29

Iwe, lon awaluen rän epwe angei ruoman lisom are ruoman apansüsün lisom o uweerela ren ewe souasor leasamalapen ewe imw mangaku ia aramas ra churi Kot ie.

Lifitikos 5:11

Nge are ewe aramas esap tufich ngeni an epwe uwato ruoman lisom ika ruoman apansüsün lisom, epwe chök uwato ruu paun pilawa mi amas o mürina fän iten asoren an tipis. Iwe, esap nofiti ngeni apüra seni föün olif, esap pwal ninätä apach mi pwokus won, pun eu asoren tipis.

Lifitikos 5:7

Nge are ewe aramas esap tufich ngeni an epwe uwato eman sip, epwe chök uwato ren ewe Samol mi Lapalap fän iten an asoren tipis ruoman lisom ika ruoman apansüsün lisom. Eman lisom epwe fän iten asoren tipis, nge eman fän iten asoren kek.

Markus 11:11

Iwe, Jesus a tori Jerusalem o tolong lon ewe imwenfel. A nenengeni ekewe mettoch meinisin mi fis lon, nge pokiten a fen lekuniolula, a feila Petania me nöün kewe engol me ruoman chon kaiö.

Lukas 2:24

Ra pwal uwato ar asor usun a mak lon än ewe Samol Allük: Ruoman lisom are ruoman apansüsün lisom.

Johannes 2:13

Iwe, lupwen a arap fansoun än ekewe chon Juta chulapen Pasofer, Jesus a feila Jerusalem.