Mateus 21:1 - Chuukese Bible

¹ Lupwen Jesus me nöün kewe chon kaiö ra tori Petfake arun ewe Chukun Olif, arap ngeni Jerusalem, Jesus a tinala ruoman ekewe chon kaiö pwe repwe akomwola mwer.

Mateus 21:1 Iomraidhean Croise

Sekaraia 14:4

Lon ena fansoun i epwe ütä won ewe Chukun Olif mi nom mwen Jerusalem me peliötiu. Iwe, ewe Chukun Olif epwe mökfesen lon ruu kinikin seni ötiu tori lotou, pwe epwe fis eu lemol mi fokun chölap. Iei usun epek ewe chuk epwe sönüla ngeni peliefeng, nge epek ngeni peliör.

Mateus 20:34

Jesus a fokun tongeer o atapa meser. Lon ewe chök otun ra tongeni küna mwer o tapwela mürin Jesus.

Mateus 21:2

Iwe, a üreniir, “Oupwe feila lon ewe sopw mi nom mwemi. Lupwen oupwe tolong lon, oupwe müttir küna eman aas a riri ikenan, nge nöün a nom ren. Oupwe apichiir o emweniireto rei.

Mateus 24:3

Iwe, lupwen Jesus a mot won ewe Chukun Olif, ekewe chon kaiö ra feito ren, nge ir chök. Ra tüngor ngeni, “Kose mochen ürenikem inet epwe fis ekei mettoch meinisin? Kopwe pwäri ngenikem asisilen fansoun om wareto me ewe fansoun sopolan.”

Mateus 26:30

Mürin ra eäni echö kölün kilisou, ra towu seni ewe imw o feila won ewe Chukun Olif.

Markus 13:3

Lupwen Jesus a mot won ewe chukun Olif pekilan ewe imwenfel, Petrus, James, Johannes me Andru chök ra feila ren.

Markus 14:26

Mürin ar eäni echö kölün kilisou ra towu seni ewe imw o feila ngeni ewe Chukun Olif.

Lukas 21:37

Iwe, iteiten rän Jesus a afalafal lon imwenfel, nge lupwen a pwinila, a feila lükün ewe telinimw o pwinipwin won ewe Chukun Olif.

Lukas 22:39

Iwe, Jesus a towu seni ewe telinimw o feitä won ewe Chukun Olif usun a piin föföri, nge ekewe chon kaiö ra eti.

Johannes 8:1

[Mürin ekewe aramas ra feila lon en me lenian, nge Jesus a feitä won ewe Chukun Olif.

Föför 1:12

Mürin ekewe soukünö ra feitiu me won ewe Chukun Olif o liwinsefäliti Jerusalem, toauen ewe Chukun Olif seni ewe telinimw ina epwe ükükün esop mwail.