21 Iwe, Jesus a aisini, “Met ka mochen?” Neminei a üra, “Kopwe pwon ngeniei, pwe nei kei ruoman alüal repwe mot ünükum, eman lepelifichum, nge eman lepelimöngum, lupwen ka nom lon wisom wisen king.”
Iei mine Patsipa a feila ren ewe king Salomon pwe epwe kapas ngeni fän äsengesin Atonia. Iwe, ewe king a ütä, a kapong ngeni Patsipa o tuu ngeni. Mürin, a mot won lenian lenien motun king, nge ra pwal uwato eu lenien mot fän iten inan. Iwe, neminewe a mot lepelifichin.
Jesus a üreniir, “Enlet, üpwe ürenikemi, pwe lupwen Nöün Aramas epwe mot lon an lenien motun king mi ling lon fansoun mettoch meinisin repwe försefäl, mürin ämi mi tapwela müri oupwe pwal mot won engol me ruu lenien motun king, pwe oupwe nemeni ekewe engol me ruu ainangen Israel.
Iwe, nöün Herotias we föpwül a tolong lon ewe leni o a pworuk, pwe Herotes me chokewe mi eti le mongö ra pwapwaiti. Iei mine a üreni ewe föpwül, “Met ka mochen üpwe ngonuk? Ngang üpwe ngonuk meinisin.”
Iwe, lupwen ekewe aramas ra aüseling ngeni Jesus, i a sopwela le apworausa ngeniir eu pworausen awewe. Jesus a arapakan ngeni Jerusalem, nge ekewe aramas ra ekieki pwe Mwün Kot epwe chök müttir pwäto.
Iö epwe ngeniir liwinin ar tipis? Kraist Jesus ewe mi mäla, nge a pwal fokun manausefälitä, i a nonom lepelifichin Kot, a iotek fänäsengesich o penikich.
Iwe, pokiten oua manausefäl fiti Kraist, iei mine oupwe anomu ämi ekiek won ekewe mettoch mi nom läng ia Kraist a mot ie won an lenien mot mi nom lepelifichin Kot.