Mateus 20:2 - Chuukese Bible

² A tipeeu ngeni pwe epwe möniir won ükükün eföü moni silifer, iei liwinin eman chon angang lon eu rän. Mürin a tiniirela pwe repwe angang lon an tanipin wain.

Mateus 20:2 Iomraidhean Croise

1. King 18:12

Ina epwe fis pwe lon ewe otun üpwe feila senuk, Ngünün ewe Samol mi Lapalap epwe uweekela ngeni eu leni ngang üsap silei. Iwe, lupwen üpwe üreni Ahap pwe ka nom ikei, nge i esap tongeni künok, epwe nieila. Nge ngang noum chon angang üa fokun meniniti ewe Samol mi Lapalap seni leküküni.

2. Kronika 34:3

Iwe, lon awaluen ierin mwün Josia, lupwen a chüen eman alüalät, a popuetä le fel ngeni än Tafit an we lewo we Kot. Nge lon engol me ruuen ierin mwün a popuetä le atai me lon Juta me Jerusalem ekewe lenien fel won ekewe leni tekia, ekewe uluulun ewe anüfefin Asera me ekewe uluulun anümwäl mi fal pwal ekewe uluulun anümwäl seni mächä.

Än Salomon Afalafal 12:1

Iwe, lealüalum kopwe chechemeni ewe mi föruk, mwen ekewe rän mi ngau repwe feito. Pun epwe war ewe fansoun kopwe apasa usun, “Usap fokun efich ei fansoun üa nom lon.”

Mateus 18:28

Mürin ewe chon angang a feila o a küna eman chiechian chon angang mi liwinimang ngeni fitu chök chala. Iwe, a turufi ätewe, a fiei chioran o üreni, ‘Kopwe mönisefäli om we liwinimang ngeniei.’

Mateus 20:1

“Iwe, iei usun ewe Mwün Läng a wewe ngeni: A wor eman mwän a ukkosorola an epwe kütta nöün chon angang pwe repwe angang lon an tanipin wain.

Mateus 20:13

Iwe, ewe mine an ewe tanipin wain a üreni eman leir, ‘Pwii, kopwe rongorong. Ngang üsap föri och mi mwäl ngonuk. En ka tipeeu ngeniei pwe kopwe angang lon unusen eu rän fän iten eföü moni silifer.

Mateus 20:3

Iwe, kulok tiu a feilasefäl ngeni ewe lenien amömö o küna pwal ekoch mwän ra ütämwäl, nge esap wor met ra föri.

Mateus 20:9

Iwe, lupwen ekewe mwän mi kükümwir le popuetä ar angang kulok limu ra feito, ra angei eföü moni silifer pwe liwiniir.

Mateus 22:19

Oupwe pwäri ngeniei ewe föün moni fän iten takises!” Iwe, ra uwato ren ewe föün moni.

Mateus 9:37

Mürin Jesus a üreni nöün kewe chon kaiö, “Ewe räs a fokun watte, nge ekewe chon angangen räs ra chokükün.

Markus 12:15

Ifa usun, sipwe takises ika sisap?” Nge Jesus a silei usun ar likatuputup. Iwe, a üreniir, “Pwota oua sotuni le säreei? Oupwe uwato rei eföü moni silifer, pwe üpwe katol.”

Lukas 1:15

Epwe eman mwän mi lap mwen mesen ewe Samol. Esap tongeni ün wain are sakau, nge epwe ur ren Ngünmifel seni fansoun an uputiu.

Lukas 10:35

Sorotän ewe rän a angei ruoföü föün moni silifer o ngeni mine än ewe imwen wasöla. Iwe, a üreni, ‘Kopwe tümwünü ätei, nge lupwen üpwe liwinsefäliti ikei, üpwe mönätiu meinisin mine esap naf won liwinin.’”

Lukas 20:24

“Oupwe pwäri ngeniei eföü föün moni silifer. Liosun iö me iten iö ei won ei moni?” Ra pölüeni, “Liosun Sisar me itan.”

2. Timoty 3:15

ka chechemeni pwe seni chök lekükünum ka silei kapasen ekewe Toropwe mi Pin, ra tongeni atipachemok o emwenuk ngeni om kopwe küna manau ren om lükü Kraist Jesus.

Pwärätä 6:6

Iwe, üa rongorong och mi wewe ngeni eu möngüngü mi feito seni lein ekewe föman mönümanau a apasa, “Liwinin ruu paun pilawa mi amas seni föün wiich iei ükükün peiofen eman chon angang lon eu rän, pwal liwinin wonu paun pilawa mi amas seni föün parli iei ükükün peiofen eman chon angang lon eu rän. Nge kosap afeiengaua ekewe irä olif me ekewe irän wain!”

1. Samuel 2:18

Nge ewe ät Samuel a angang fän mesen ewe Samol mi Lapalap. A üföüf echö üf itan efot seni mangaku mi pwechepwech.

1. Samuel 2:26

Nge ewe ät Samuel a mämäritä lon löllön o küna ümöümöch me ren ewe Samol mi Lapalap pwal me ren aramas.

1. Samuel 3:1

Iwe, ewe ät Samuel a angang ngeni ewe Samol mi Lapalap fän emwenien Eli. Lon ena fansoun än ewe Samol mi Lapalap kapas esap kon nien chööw, esap pwal wor künaen aramas fän chomong.

1. Samuel 3:21

Iwe, ewe Samol mi Lapalap a pwäsefäl me lon Silo. Ikenan a püsin pwä ngeni Samuel o kapas ngeni. Iwe, chon Israel meinisin ra aüselinga än Samuel kapas.