Mateus 2:7 - Chuukese Bible

⁷ Iei mine Herotes a körato ekewe souürür ar repwe mwichfengen le monomon o küttafichi seniir fansoun pwään ewe fü.

Mateus 2:7 Iomraidhean Croise

Kölfel 55:21

An fos a mwotoutou seni pwötö, nge ekiekin maun a nom lon lelukan. An kewe kapas ra pwetete seni lö, nge ra ken usun chök kenin ekewe ketilas.

Ekistos 1:10

Ou etto, sipwe le sorongaueer pwe resap chüen chomongola. Pun ika maun epwe torikich, repwe eti chon oputach le fiu ngenikich, repwe pwal sü seni fanüach.”

Numperis 24:17

Üa küna i, nge esap iei, üa nenengeni, nge esap kanoto. Eföü fü epwe tötä seni Israel, eman king epwe ütä seni lon Israel pwe epwe nemenem. Epwe amökü möküren ekewe chon Moap o niela ekewe mwirimwirin Set meinisin.

Mateus 2:1

Iwe, Jesus a uputiu lon Petleem lon ewe fanü Jutea lon mwün ewe king Herotes. Mürin ekis fansoun, ekoch mwän mi silelapei pekin kaiö ngeni fü seni fanüen ötiu ra feito Jerusalem.

Mateus 2:16

Lupwen Herotes a mefi, pwe ekewe souürür ra atupu, a fokun lingeringer. Iwe, a tinala nöün sounfiu pwe repwe niela ekewe ät meinisin lon Petleem me lükün Petleem mi ierini ruu are kis seni. A föri iei usun, pun a aükü ngeni ewe fansoun pwään ewe fü a silei seni ekewe souürür ngeni ei otun.

Mateus 2:8

Mürin a tiniirela Petleem o ngeniir ei kapasen öüröür, “Oupwe feila o küttafichi ewe mönükol. Nge lupwen oua küna, oupwe asile ngeniei, pwe pwal ngang üpwe feila o asamolu.”

Föför 24:22

Mürin Feliks mi sileöchü usun ewe Al a aükätiu ewe kapwüng o üreniir, “Lupwen ewe sounemenemen sounfiu Lisias epwe war, üpwe atowu pwüngün ei kapwüng.”

Pwärätä 12:15

Mürin ewe trakon a kusufawu me lon awan eu chanpupun koluk mürin ewe fefin, pwe epwe öütela ren.

1. Samuel 18:21

Pun Saul a ekieki, “Üpwe apwüpwülüa Mikal ngeni Tafit, pwe epwe eu lenien likatup ngeni, nge ekewe chon Filistia repwe niela.” Iei mine Saul a üreni Tafit fän aruuan, “Iei üpwe apwüpwülüa ngonuk nei.”