Mateus 2:22 - Chuukese Bible

²² Nge lupwen Josef a rong pwe Arkelaus a siwili saman Herotes lon wisan wisen king lon Jutea, a niuokus an epwe feila ikenan. Iwe, Kot a pwal öüröürasefäli, iei mine a feila lon ewe fanü Kalilea

Mateus 2:22 Iomraidhean Croise

Kölfel 121:8

Ewe Samol mi Lapalap epwe tümwünü om towu me om tolong seni ikenai tori feilfeilachök.

Kölfel 48:14

“Iei i Kot, ach Kot tori feilfeilachök. I epwe emwenikich tori feilfeilachök.”

Kölfel 73:24

Ka emweniei fän om öüröür, nge mürin kopwe etiwaei lon ling.

Aisea 30:21

Iwe, lupwen oua kul ngeni peliifich ika peliimöng, selingemi repwe rongorong me lükün sökürümi, “Iei ewe al oupwe aleni.”

Mateus 1:20

Iwe, lupwen a chüen ekieki usun, eman nöün ewe Samol chon läng a pwä ngeni lon an tan o üreni, “Josef, mwirimwirin Tafit, kosap niuokus om kopwe pwülüeni Maria, pun mine a pwopwo ren a pop seni ewe Ngünmifel.

Mateus 2:1

Iwe, Jesus a uputiu lon Petleem lon ewe fanü Jutea lon mwün ewe king Herotes. Mürin ekis fansoun, ekoch mwän mi silelapei pekin kaiö ngeni fü seni fanüen ötiu ra feito Jerusalem.

Mateus 2:19

Mürin än Herotes mäla, eman nöün ewe Samol chon läng a pwä ngeni Josef lon an tan me Isip

Mateus 2:21

Iei mine Josef a pwätä, a angei ewe ät me inan we o ra liwinsefäliti Israel.

Mateus 3:13

Lon ena fansoun Jesus a feito seni Kalilea o a feila ren Johannes arun ewe chanpupu Jortan, pwe Johannes epwe papataisi.

Lukas 2:39

Iwe, lupwen Josef me Maria ra wes le föri meinisin usun met mi mak lon än ewe Samol Allük, ra liwiniti Nasaret lon Kalilea, iei poputän telinimwer.

Johannes 7:52

Ra pölüeni, “Ifa usun, pwal en eman re Kalilea? Kopwe kütta lon ekewe Toropwe mi Pin o küna, pwe esap wor eman soufos epwe feito seni Kalilea.”

1. Samuel 16:2

Nge Samuel a üreni, “Ifa usun ai üpwe tongeni feila? Are Saul a rong usun, epwe nieila.” Iwe, ewe Samol mi Lapalap a apasa, “Kopwe uwei eman nienifön kow o üreniir pwe ka feito pwe kopwe eäni eu asor ngeni ewe Samol mi Lapalap.