Mateus 2:13 - Chuukese Bible

¹³ Mürin än ekewe souürür feila, eman nöün ewe Samol chon läng a pwä ngeni Josef lon an tan o üreni, “Herotes epwe kütta ewe mönükol pwe epwe niela. Iei mine kopwe pwätä, kopwe angei ewe mönükol me inan we o süla Isip. Oupwe nonom ikenan tori inet üpwe ürenuk pwe oupwe liwin.”

Mateus 2:13 Iomraidhean Croise

1. King 11:17

Nge Hatat a süla Isip fiti ekoch chon Etom nöün saman kewe chon angang. Lon ena fansoun Hatat a chüen eman chök kükün ät.

1. King 3:5

Lon ewe pwin ewe Samol mi Lapalap a pwä ngeni Salomon lon an tan me lon Kipeon o üreni, “Met ka mochen ngang üpwe fang ngonuk.”

Hiop 33:15

Lepwin, lupwen aramas ra möürüchou, Kot a kapas ngeniir lon ar tan me künaer.

Hiop 33:17

pwe epwe akulu aramas seni ar föför mi ngau o pinei ar resap lamalamtekia.

Ekistos 1:22

Mürin, Farao a allük ngeni nöün aramas meinisin, “Iteiten ät mi uputiu ngeni chon Ipru oupwe atururolong lon ewe chanpupu Nil, nge iteiten nengin oupwe amanaueer.”

Mateus 1:20

Iwe, lupwen a chüen ekieki usun, eman nöün ewe Samol chon läng a pwä ngeni lon an tan o üreni, “Josef, mwirimwirin Tafit, kosap niuokus om kopwe pwülüeni Maria, pun mine a pwopwo ren a pop seni ewe Ngünmifel.

Mateus 10:23

Iwe, lupwen repwe ariaföüükemi lon eu telinimw, oupwe süla lon pwal eu. Üpwe fokun ürenikemi, pwe ousamwo wes le föri ämi angang lon ekewe telinimwen Israel meinisin mwen ewe Nöün Aramas epwe liwinsefäl.

Mateus 2:12

Iwe, Kot a öüröüra ngeniir lon ar tan, pwe resap chüen liwiniti Herotes, iei mine ra liwinsefäliti fanüer won pwal efoch al.

Mateus 2:14

Iwe, Josef a pwätä, a angei ewe mönükol me inan we o ra süla Isip lon ewe chök pwinin.

Mateus 2:16

Lupwen Herotes a mefi, pwe ekewe souürür ra atupu, a fokun lingeringer. Iwe, a tinala nöün sounfiu pwe repwe niela ekewe ät meinisin lon Petleem me lükün Petleem mi ierini ruu are kis seni. A föri iei usun, pun a aükü ngeni ewe fansoun pwään ewe fü a silei seni ekewe souürür ngeni ei otun.

Mateus 2:22

Nge lupwen Josef a rong pwe Arkelaus a siwili saman Herotes lon wisan wisen king lon Jutea, a niuokus an epwe feila ikenan. Iwe, Kot a pwal öüröürasefäli, iei mine a feila lon ewe fanü Kalilea

Föför 10:22

Ekewe mwän ra pölüeni, “Kornelius ewe meilapen sounfiu a tinikeemito. I eman mwän mi pwüng o niuokusiti Kot, a wor meninin me ren ekewe aramasen Juta meinisin. Eman chon läng mi pin a üreni pwe epwe titi en, pwe kopwe feila lon imwan, pun a mochen rongorong met kopwe üreni.”

Föför 10:7

Iwe, lupwen ewe chon läng a feila seni, Kornelius a köri ruoman me lein nöün kewe chon angang me eman sounfiu mi niuokusiti Kot, eman me lein ekewe mi angang ngeni.

Föför 12:11

Mürin Petrus a mefi mine a fis ngeni o a apasa, “Iei üa silei pwe mine a fis ngeniei a wesewesen let. Ewe Samol a tinato nöün we chon läng pwe epwe angasaei seni fän nemenemen Herotes, pwal seni ekewe mettoch meinisin ekewe aramasen Juta ra ekiekin föri ngeniei, pwe üpwe tolong lon riaföü.”

Föför 12:7

Lon ei chök otun eman nöün ewe Samol chon läng a ü ikenan o eu saram a asarama lon ewe ruum. Iwe, ewe chon läng a pisiri won afaren Petrus, a apwökätä o üreni, “Kopwe müttir pwätä!” Lon ei chök otun ekewe sein seni mächä ra turutiu seni won pöün Petrus.

Föför 16:36

Iei mine ewe chon masen imwen fötek a üreni Paulus, “Ekewe samollap ra tinato ei allük pwe ämi me Silas oupwe musala. Iei oupwe le towu o feila fän kinamwe.”

Föför 5:19

Nge lepwin eman nöün ewe Samol chon läng a suki asamen ewe imwen fötek o emwenawu ekewe soukünö me lon. Iwe, a üreniir,

Föför 7:19

Ätewe a rawangauei ach kewe lewo o ariaföüür, a pöchökül ngeniir ar repwe pöütala nöür mönükol, pwe repwe mäla.

Josua 3:13

Nge lupwen pechen ekewe souasor mi mwärei ewe pworofel än ewe Samol mi Lapalap, ewe mi nemeni unusen fanüfan, repwe ipwelong lon ewe chanpupu Jortan, pupun ewe koluk epwe kaüla. Nge ewe koluk mi putiu me asan epwe aioifengen.”

Josua 3:17

Nge lupwen chon Israel meinisin ra pwerela pekila won pwül mi pwasapwas, ekewe souasor mi mwärei än ewe Samol mi Lapalap we pworofel ra ütä won pwasapwas lukalapen ewe chanpupu Jortan, tori chon Israel meinisin ra toola pekilan ewe chanpupu.

Josua 4:10

Nge ekewe souasor mi mwärei ewe pworofel ra ü lukalapen ewe chanpupu Jortan, tori ekewe aramas ra wes le föri mine ewe Samol mi Lapalap a allük ngeni Josua. Ekei kapas meinisin Moses a fen allük ngeni Josua. Iwe, ekewe aramas ra pwerela fän pacheu.

Josua 4:18

Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.

Pwärätä 12:14

Nge ewe fefin a angei ruofoch pöükässin eman ikel mi watte, pwe epwe tongeni aea le ässila ngeni lenian we lon fanüapö ia epwe tümwün ie lon ükükün ülüngat esop ier, iei ewe leni ewe serepenit esap tongeni afeiengaua me ie.

Pwärätä 12:4

Ren wükün we a amwökütü eu leülüngatin ekewe fü seni lon läng o atururetiu won fanüfan. Iwe, ewe trakon a üta me mwen ewe fefin, pwe epwe ochei nöün we lon ewe chök otun a nöünätiu.

Pwärätä 12:6

Iwe, ewe fefin a süla lon ewe fanüapö ia a wor ie eu leni Kot a amolätä fän itan. Ikenan epwe tümwün lon ükükün engeröü rüwopükü wone rän.