Mateus 2:11 - Chuukese Bible

¹¹ Iwe, ra tolong lon ewe imw o ra küna ewe mönükol me Maria inan we, iwe, ra chapetiu mwan o asamolu. Mürin ra wätiu ar kewe lifang: kolt, apach mi pwokus me säfei mi aüchea o fang ngeni.

Mateus 2:11 Iomraidhean Croise

Keneses 43:11

Mürin, semer we a üreniir, “Are a ina usun, oupwe angei ekoch seni ekewe uän irä mi mürina seni lon ei fanü o uwalong lon ämi kewe tuk, pwe oupwe eäni lifang ngeni ewe mwän. Oupwe uwala ekis lö mi pwokus, ekis chönün chunen, irä mi mwiik, säfei mi aüchea itan mör, pwal ekoch föün irä iter pistachio me almont.

1. King 10:10

Mürin, neminewe a ngeni ewe king ina epwe ükükün limu ton kolt, chomong nofitin mongö me fau aüchea. Esap chüen wor ei ükükün chomongun nofitin mongö a torisefäli ewe king Salomon usun mine ewe kiwinen Sepa a ngeni.

1. King 10:2

Iwe, neminewe a tori Jerusalem fiti chomong chon angang me kamel mi uwou nofitin mongö mi pwokus, kolt mi chomong, pwal fau aüchea. Iwe, lupwen a churi Salomon, a ais ngeni meinisin mine a ekieki lon lelukan.

Kölfel 2:12

Oupwe mitiri ewe nau pwe esap song, nge ämi ousap mäfeiengau. Pun a müttir fis an song. Ra feiöch ir meinisin mi eäni i lenien op.

Kölfel 45:8

Ufom kewe meinisin ra pwokus ren pwonnen lö seni ekewe irä mör, aloes me kasia. Chon ettiki pisekin ettik mi wor saitenir ra apwapwook me lon imwen king mi fout ngeni ngiin äläfant.

Kölfel 72:10

Ekewe kingen Tarsis pwal ekewe king seni ekewe fanü mi nom lematau repwe takises ngeni, nge ekewe kingen Shepa me Sepa repwe uwato ar lifang ngeni.

Kölfel 72:15

Amwo ewe king epwe manauatam! Amwo aramas repwe uwato kolt ren seni Shepa. Amwo aramas repwe iotek fän itan fansoun meinisin, repwe tüngor an feiöch rän meinisin.

Kölfel 95:6

Ou etto, ousipwe chapetiu o fel ngeni, ousipwe fotopwäsuk fän mesen ewe Samol mi Lapalap ewe chon förikich.

Ekistos 30:23

“Kopwe angei ekei mettoch mi fokun pwokus: engol me ruu paun safei mi aüchea itan mör, ewe sokun mi lölö, wonu paun sinamon mi pwoarar me wonu paun kalamus mi pwokus,

Ekistos 30:34

Mürin, ewe Samol mi Lapalap a kapas ngeni Moses, “Kopwe angei ekei mettoch mi pwokus iter stakte, onika, kalpanum me apach mi pwokus, nge ükükür epwe wewefengen.

Än Salomon Köl 3:6

Met ewe a feitä seni lon fanüapö usun eu ötüöt mi ötütä, a pwokus ren säfei mi aüchea me apach mi pwokus, pwal ren sokun osiroi mi pwokus itan mör chon amömö ra amömöla?

Aisea 60:6

Iwe, chomong pwiin kamel repwe nom won fanüom, apanen kamel seni Mitian me Efa. Chon Sepa meinisin repwe feito, repwe uwato kolt me apach mi pwokus o arongafeili iteüöchün ewe Samol mi Lapalap.

Lifitikos 6:15

Iwe, eman leir epwe angei ekumwuch pilawa mi amas o mürina seni ewe asoren mongö me ewe apüra seni föün olif, pwal unusen ewe apach mi pwokus mi nom won, o kenala me won ewe rongen asor, iei asisilan pwe a asor meinisin. Iei eu asor ewe Samol mi Lapalap a efich pwoon.

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

Numperis 7:14

A pwal eäni asor eu sepi seni kolt ükükün choun rüanü aunus, a ur ren apach mi pwokus,

Numperis 7:86

Iwe, ükükün choun eu me eu ekewe engol me ruu sepi seni kolt mi ur ren apach mi pwokus rüanü aunus, a för won ewe kilo ra aea le aükük lon ewe imw mi pin. Nge ükükün choun ewe kolt seni ekewe sepi meinisin ülüngat paun.

Mateus 1:18

Iwe, iei usun än Jesus Kraist uputiu. Maria inan a kofot ngeni Josef, nge me mwen ar resamwo pwüpwülü a pwä pwe neminewe a pwopwo ren manamanen Ngünmifel.

Mateus 12:46

Iwe, lupwen Jesus a chüen kapas ngeni ekewe aramas, inan me pwiin kana ra war. Ra ütä lükün ewe imw o tüngor pwe repwe kapas ngeni.

Mateus 14:33

Mürin ekewe chon kaiö mi nom won ewe wa ra fel ngeni Jesus o apasa, “Enlet, en Nöün Kot!”

Mateus 2:10

Lupwen ar küna ewe fü a fokun lapalap ar pwapwa.

Mateus 2:2

Ra ais, “Ia a uputiu ie än chon Juta we king? Äm aia küna füün lupwen a tötä seni ötiu. Iwe, aia feito pwe aipwe asamolu.”

Lukas 2:16

Iei mine ra feila fän pacheu, nge ra küna Maria me Josef, pwal ewe mönükol mi kon lon ewe lenien amongöü man.

Lukas 2:38

Lon ewe chök otun a wareitiir, a kilisou ngeni Kot o kapas usun ewe mönükol ngeni chokewe meinisin mi witiwiti än Kot epwe angasala Jerusalem.

Johannes 19:39

Pwal Nikotemus a eti Josef, i ätewe a churi Jesus lepwin me mwan. Ätei a uwato löpwokus mi nofit ngeni mör me aloes ina epwe ükükün ipükü paun.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.

Pwärätä 5:8

Lupwen a föri iei usun, ekewe föman mönümanau me ekewe rüwe me föman souakom ra chapetiu mwen ewe Lam. Eman me eman a wor an pisekin ettik me eu sepi mi ur ren apach mi pwokus, iei än ekewe chon pin iotek.

1. Samuel 10:27

Nge mi wor ekoch mwän mi aramasangau ra üra, “Ren met ei mwän a tongeni amanauakich?” Iwe, ra aücheangaua, nge resap uwato ar lifang ren. Nge Saul a chök asorongorongola.