Mateus 2:10 - Chuukese Bible

¹⁰ Lupwen ar küna ewe fü a fokun lapalap ar pwapwa.

Mateus 2:10 Iomraidhean Croise

Kölfel 105:3

Oupwe fokun ingemwareiti itan mi pin. Chokewe mi kütta ewe Samol mi Lapalap repwe meseik.

Kölfel 67:4

Chon ekewe mwü repwe pwapwa o köl fän ar pwapwa, pun en ka apwüngü chon fanüfan fän pwüng, ka pwal emweni chon ekewe mwü won fanüfan.

Mateus 2:11

Iwe, ra tolong lon ewe imw o ra küna ewe mönükol me Maria inan we, iwe, ra chapetiu mwan o asamolu. Mürin ra wätiu ar kewe lifang: kolt, apach mi pwokus me säfei mi aüchea o fang ngeni.

Mateus 2:9

Wesin än ewe king kapas ngeniir ra feila. Iwe, lupwen ra fefetal, ewe fü ra fen küna me lon fanüen ötiu a akom mwer tori a üla me won ewe leni ia ewe mönükol a nom ie.

Lukas 2:10

Nge ewe chon läng a üreniir, “Ousap niuokus. Pun nengeni, üa arongato remi ewe Pworaus Allim mi aworato pwapwa chapur, epwe tori aramas meinisin.

Lukas 2:20

Iwe, lupwen ekewe chon mas ra liwiniti lenier, ra alinga o mwareiti Kot fän iten ekewe mettoch ra rong o küna, pun a usun chök met ewe chon läng a asile ngeniir.

Tuteronomi 32:13

A föri pwe ekewe mwirimwirin Jakop repwe nemeni ekewe lenien tekia won fanüfan o amongöü ngeniir uän ekewe tanipi. A amötü ngeniir chönün chunen seni lon achau, pwal apüra seni lon achau mi pöchökül.