Mateus 19:9 - Chuukese Bible

⁹ Nge ngang üpwe ürenikemi, ‘Are eman mwän a mwü seni pwülüan fän iten och popun, nge esap fän iten an kirikiringau ngeni, ätewe a lisowu are a pwülüenisefäli pwal eman fefin.’”

Mateus 19:9 Iomraidhean Croise

Keneses 20:3

Nge Kot a pwä ngeni Apimelek lon an tan lepwin o üreni, “Kopwe le mäla, pokiten ka angei neminewe, nge a wor pwülüan.”

2. Kronika 21:11

Jehoram a pwal mwo nge föri lenien fel ngeni ekewe uluulun anümwäl won chukuchukutän ewe fanü Juta o emweni ekewe chon Jerusalem me chon Juta ngeni tipis, pwe ra kul seni Kot.

Jeremaia 3:1

Iei alon ewe Samol mi Lapalap, “Are eman mwän a pöütala pwülüan, nge neminewe a feila o pwüpwülü ngeni pwal eman, ifa usun, ätewe epwe tongeni pwülüenisefäli neminewe? Ifa usun, ewe fanü esap fokun limengau ren? Nge en, Israel, a wor chomong noum kamwet. Ifa usun, kopwe chüen tongeni liwinitiei?

Jeremaia 3:8

Ra pwal küna pwe üa pöütala Israel, usun eman mwän a pöütala pwülüan. Üa tinirela pokiten ra kirikiringau ngeniei ren ar fel ngeni pwal ekoch kot. Nge ekewe chon Juta mi kirikiringau resap niuokus. Ra pwal föri ei sokun föför,

Isikiel 16:15

“Nge ka chök lükü püsin liöchum, ka pwal alomotongaua iteüöchum ren om wiliti eman fin lisowu. Ka lisowu ngeni iteiten eman me eman mi feito reöm.

Isikiel 16:29

Mürin ka alapala om angangen lisowu ngeni ekewe chon Papilon, ir seni ewe fanüen chon amömö, nge ren ei kosap pwal menemenöch.”

Isikiel 16:8

Lupwen üa pwal pwereto, üa küna pwe a tori fansoun om kopwe tongeni pwüpwülü. Iwe, üa ameresala üfei womw o pwölüela om selela, üa pwal pwon ngonuk pwe üpwe tongeek. Ewer, üa eäni eu pwon fän akapel ngonuk pwe sipwe pwüpwülü. Iwe, ka wiliti pwülüei,” iei alon Kot ewe Samol mi Lapalap.

Mateus 19:10

Iwe, nöün kewe chon kaiö ra üreni, “Are epwe iei usun lefilen eman mwän me pwülüan, epwe fen öch ach sisap pwüpwülü.”

Mateus 19:8

Jesus a pölüeni, “Moses a mwütätä pwe ämi mwän oupwe mwü seni pwülüemi pokiten ämi tipeförea. Nge esap ina usun seni lepoputän, lupwen Kot a föri fanüfan.

Mateus 5:32

Nge ngang üpwe ürenikemi: Are eman mwän epwe pöütala pwülüan, nge neminewe esap kirikiringau ngeni, ätewe a föri pwe neminewe a tipisin lisowu are a pwüpwülüsefäl, nge pwal ewe mwän mi pwülüeni ei fefin a tipisin lisowu.

Lukas 16:18

Are eman mwän a mwü seni pwülüan o pwülüeni pwal eman fefin, i a tipisin lisowu, nge eman mwän mi pwülüeni eman fefin mi mwü seni pwülüan a pwal tipisin lisowu.

1. Korint 5:1

Iwe, aramas ra apworausa pwe mi wor föförün lisowu lefilemi, eu sokun föför mi fokun ngau, pwe esap mwo nge fis ren ekewe chon lükün lamalam. Eman a asile ngeniei, pwe mi wor eman mwän a kon ren pwülüen saman.

1. Korint 7:39

Eman fefin mi pwüpwülü a riri ngeni pwülüan lon ükükün fansoun pwülüan we a manau. Nge lupwen pwülüan we a mäla, neminewe a tongeni pwülüeni iö a mochen, nge a chök tongeni pwülüeni eman mi souläng.

1. Korint 7:4

Pun eman fefin esap wor an nemenem won püsin inisin, pwe pwülüan a nemeni. Pwal ina chök usun, eman mwän esap wor an nemenem won püsin inisin, pwe pwülüan a nemeni.