Mateus 19:6 - Chuukese Bible

⁶ Iei mine resap chüen ruoman, pwe eman chök. Mine Kot a rifengeni esap wor eman aramas epwe mwütifeseni.”

Mateus 19:6 Iomraidhean Croise

Än Salomon Fos 2:17

neminewe mi likitala pwülüan a pwülüeni lupwen an föpwül o manlükala ewe pwon a eäni ngeni Kot.

Malakai 2:14

Eman a ais, “Pwota esap chüen etiwa ekewe asor?” Pun ewe Samol mi Lapalap a silei pwe ka atai ewe pwon mi fis lefilemi me pwülüom we, lupwen ka alüal. Iwe, en ka kirikiringau ngeni, nge i fen chiechiom me pwülüom fän ewe pwon.

Malakai 2:16

Iei alon ewe Samol mi Lapalap ewe Koten Israel, “Üa oput mwüfesen. Üa oput, are oua föri ei sokun föför mi ngau ngeni pwülüemi. Iei mine oupwe föröchü pwe ousap atai ämi pwon ngeni pwülüemi, nge oupwe allükülük.”

Mateus 19:5

Iwe, Kot a apasa, ‘Iei mine eman aramas epwe likitala saman me inan o pach ngeni pwülüan, iwe, ekewe ruoman repwe wiliti eu chök inis.’

Mateus 19:7

Iwe, ekewe Farisi ra aisini, “Pwota chök Moses a föri ewe allük, pwe eman mwän a tongeni ngeni pwülüan echö toropwen mwüfesen o tinala?”

Markus 10:9

Iwe, mine Kot a rifengeni, esap wor eman aramas epwe mwütifeseni.”

Nöün Paulus Toropwe ngeni ekewe Souläng lon Rom 7:2

Eu chök awewe: Eman fefin mi pwüpwülü a riri ngeni pwülüan lon ükükün ränin manauan ren ewe allükün pwüpwülü. Nge lupwen ewe mwän a mäla, ei fefin esap chüen nonom fän ewe allükün pwüpwülü a riri ngeni pwülüan ren.

Efisos 5:28

Ina usun ekewe mwän repwe echeni pwülüer usun chök ar püsin echeni inisiir. Eman mwän mi echeni pwülüan a echeni püsin i.

Ipru 13:4

Aramas meinisin repwe aücheani pwüpwülü. Ekewe mi pwüpwülü resap kirikiringaufengen lefiler, pun Kot epwe apwüngü chokewe mi lisowu ngeni mi lipich, pwal chokewe mi lisowu ngeni mi pwüpwülü.