Mateus 19:5 - Chuukese Bible

⁵ Iwe, Kot a apasa, ‘Iei mine eman aramas epwe likitala saman me inan o pach ngeni pwülüan, iwe, ekewe ruoman repwe wiliti eu chök inis.’

Mateus 19:5 Iomraidhean Croise

Keneses 34:3

Iwe, leluken Sikem a pach ngeni Tina nöün Jakop we föpwül, pwe a fokun tongei o fos pwetete ngeni.

2. Samuel 1:26

Üa letipeta fän itom, pwii Jonatan. Ka fokun aüchea me rei. Om tongeei a fokun mürina lap seni än fefin tong.

1. King 11:2

Ikkei ekewe mwü ewe Samol mi Lapalap a kapas ngeni ekewe aramasen Israel usun, pwe resap pwüpwülü ngeniir, nge ir resap pwal pwüpwülü ngeniir, pun repwe fokun akulu leluker ngeni ar kewe kot. Nge Salomon a chök fitipacheiti ekewe fefin o tongeer.

Kölfel 45:10

Nei föpwül, kopwe rongorong ai kapas o ekieki usur. Kopwe manlükala aramasom me chon leimwen semom,

Kölfel 63:8

Üa fitipacheituk, pöüifichum a amwöchüeitä.

Malakai 2:15

Ifa usun, Kot esap förifengenikemi me pwülüom we, pwe oupwe iniseu me ngüneu? Met popun pwe a föri iei usun? Popun pwe epwe wor nöümi mi wesewesen nöün Kot aramas. Iei mine oupwe föröchü pwe esap wor eman leimi epwe atai an pwon ngeni pwülüan.

Mateus 19:6

Iei mine resap chüen ruoman, pwe eman chök. Mine Kot a rifengeni esap wor eman aramas epwe mwütifeseni.”

Nöün Paulus Toropwe ngeni ekewe Souläng lon Rom 12:9

Ämi chen epwe fokun wenechar. Oupwe oput mine a ngau o kamwöchünük won mine a mürina.

1. Korint 6:16

Ousap silei pwe eman mwän mi chufengen me eman fin lisowu a iniseu ren? Pun iei usun a mak lon ekewe Toropwe mi Pin, “Ekewe ruoman repwe wiliti eu chök inis.”

1. Korint 7:2

Nge pokiten a wattela föförün lisowu, eman mwän epwe wor püsin pwülüan, pwal eman fefin epwe wor püsin pwülüan.

1. Korint 7:4

Pun eman fefin esap wor an nemenem won püsin inisin, pwe pwülüan a nemeni. Pwal ina chök usun, eman mwän esap wor an nemenem won püsin inisin, pwe pwülüan a nemeni.

Efisos 5:31

Usun a mak lon ekewe Toropwe mi Pin, “Iei mine eman mwän epwe likitala saman me inan o pache ngeni pwülüan, nge ekewe ruoman repwe wiliti eu chök inis.”

Tuteronomi 10:20

Iwe, oupwe meniniti ewe Samol mi Lapalap ämi we Kot, oupwe angang ngeni o fitipacheiti, oupwe chök eäni itan le pwon.

Tuteronomi 11:22

Iwe, are oua achocho le föri pwüngün ekei allük meinisin üa allük ngenikemi pwe oupwe apwönüretä, are oua echeni ewe Samol mi Lapalap ämi we Kot o föri meinisin mine a allük ngenikemi, are oua pwal fitipacheiti,

Tuteronomi 4:4

Nge ämi mi nüküchar won ewe Samol mi Lapalap ämi we Kot, oua chüen manau tori ikenai.

1. Samuel 18:1

Iwe, lupwen Tafit a wes me kapas ngeni Saul, Jonatan nöün Saul we a pwipwi ngeni Tafit seni lon letipan o echeni usun an püsin echeni.

1. Samuel 25:43

Lon ei fansoun Tafit a fen pwülüeni Ahinoam seni Jesreel, nge iei a pwal pwülüeni Apikael.