Mateus 19:23 - Chuukese Bible

²³ Mürin Jesus a üreni nöün kewe chon kaiö, “Enlet, üpwe ürenikemi: Epwe fokun weires ngeni aramas mi pisekisek ar repwe tolong lon Mwün Läng.

Mateus 19:23 Iomraidhean Croise

Än Salomon Fos 11:28

Aramas mi apilükülükü püsin wöür repwe turula usun chök chön irä ra turutiu mürin leres, nge ekewe chon pwüng repwe manauöch usun chök chön irä mi arauarau.

Mateus 13:22

Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Mateus 18:3

A apasa, “Enlet üpwe ürenikemi, are ousap kulsefäl o wewe ngeni eman semirit, ousap fokun tongeni tolong lon Mwün Läng.

Mateus 19:22

Lupwen ewe alüal a rong ekei kapas, a feila fän letipeta, pun wöün a fokun chomong.

Mateus 21:31

Iwe, iö lein ekewe ruoman nau a föri letipen saman?” Iwe, ra pölüeni, “Ewe mi watte.” Iei mine Jesus a üreniir, “Enlet, üpwe ürenikemi, pwe ekewe chon ioni takises me ekewe fin lisowu repwe tolong lon Mwün Kot mwemi.

Mateus 5:20

Pun üpwe ürenikemi, pwe ämi oupwe chök tongeni tolong lon Mwün Läng are ämi oua föri mine a pwüng me mwen mesen Kot lap seni ekewe Sensen Allük me ekewe Farisi.

Markus 10:23

Iwe, Jesus a kulu ngeni nöün kewe chon kaiö o a üreniir, “A men fokun weires ngeni ekewe aramas mi pisekisek ar repwe tolong lon Mwün Kot.”

Lukas 18:24

Iwe, lupwen Jesus a küna pwe a letipeta, a apasa, “A men fokun weires ngeni ekewe aramas mi pisekisek ar repwe tolong lon Mwün Kot.

Johannes 3:3

Jesus a üreni, “Enlet, üpwe wesewesen ürenuk: Esap wor eman a tongeni küna Mwün Kot are esap upsefäl.”

Johannes 3:5

Iwe, Jesus a üreni, “Enlet, üpwe wesewesen ürenuk: Esap wor eman a tongeni tolong lon Mwün Kot are esap up ren koluk me Ngün.

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

1. Korint 1:26

Ämi pwii kana, oupwe chechemeni usun nonomumi me lom lupwen Kot a körikemi. Lon ekiekin aramas sap chomong me leimi ra tipachem, sap chomong leimi a wor maner, sap chomong ra uputekia.

James 2:6

Nge ämi oua asäwa ekewe mi wöüngau. Ifa usun, esap ekewe chon pisekisek ir ekewe mi ariaföüükemi o atekinikemiila mwen ekewe soukapwüng?