Mateus 19:16 - Chuukese Bible

¹⁶ Iwe, lon eu rän eman mwän a feito ren Jesus o aisini, “Sense, met sokun föför mürina üpwe föri pwe üpwe eäni ewe manau esemüch?”

Mateus 19:16 Iomraidhean Croise

Taniel 12:2

Iwe, chomong lein chokewe mi mäla repwe manausefäl. Ekoch repwe eäni manau esemüch, nge ekoch repwe eäni itengau me säw esemüch.

Mateus 19:15

Iwe, a iseis pöün won ekewe semirit o afeiöchüür, mürin a feila seniir.

Mateus 19:26

Nge Jesus a newenewen ngeniir o üreniir, “Ei esap tufich ngeni aramas, nge mettoch meinisin ra tufich ngeni Kot.”

Mateus 19:29

Iwe, iteiten eman me eman mi likitala imwan, ika pwiin, ika fefinan, ika saman, ika inan, ika nöün, ika fanüan fän itei epwe angei liwinin fän ipükü lap seni, epwe pwal angei manau esemüch.

Mateus 25:46

Iwe, chokei repwe feila ngeni ewe apwüng esemüch, nge ekewe chon pwüng repwe feila ngeni manau esemüch.”

Johannes 10:28

Üa fang ngeniir manau esemüch, nge ir resap fokun pöütmwälila. Esap wor eman a tongeni ettiir me lepei.

Johannes 12:25

Iö a echeni püsin manauan epwe pöüt seni, nge iö a oput püsin manauan lon ei fanüfan, manauan epwe chök nonom ngeni manau esemüch.

Johannes 3:15

pwe meinisin mi lükü i repwe eäni manau esemüch.

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Johannes 5:39

Ämi oua achocho le kaiö masouen ekewe Toropwe mi Pin, pun oua ekieki pwe oupwe küna manau esemüch lor. Ekei Toropwe mi Pin ra pwärätä usi.

Johannes 6:47

Enlet, üpwe wesewesen ürenikemi: Iö a lüküei a eäni manau esemüch.

Johannes 6:68

Simon Petrus a üreni, “Äm Samol, iö aipwe feila ren? En ka eäni kapasen manau esemüch.

Föför 16:30

Mürin a emweniirewu lükün o aisiniir, “Ai samol kana, met ngang üpwe föri pwe üpwe küna manau?”

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

Nöün Paulus Toropwe ngeni ekewe Souläng lon Rom 5:21

Iwe, usun tipis a nemenem, pun aramas meinisin ra mäla, iei usun än Kot ümöümöch a nemenem, pun aramas ra küna pwüng me ren o i a emwenikich ngeni manau esemüch ren Jesus Kraist ach Samol.

1. Timoty 1:16

Nge Kot a eäni tong ngeniei, pwe Kraist Jesus epwe pwärala unusen an mosonotam lon met a föri ngeniei, ngang eman chon tipis mi ngau seniir meinisin, pwe üpwe eu minen awewe ngeni chokewe repwe lükü i me mürin o repwe küna ewe manau esemüch.

1. Timoty 6:12

Kopwe eäni ewe maunen lükülük mi fokun mürina, iwe, kopwe angei ewe manau esemüch, pun iei met Kot a köruk ngeni, lupwen ka pwora le pwärätä om lükülük mwen mesen chomong chon pwärätä.

1. Timoty 6:19

Ren ei repwe iseis fän iter och wöü epwe eu longolong mi nükünük fän iten ewe fansoun epwe feito. Mürin repwe angei ewe manau, iei ewe enletin manau.

Titus 1:2

Iei ewe let mi longolong won ach apilükülük ngeni ewe manau esemüch. Kot, ewe esap chofona, a pwon ngenikich ei manau me mwen fansoun esepop,

Titus 3:7

pwe ren an ümöümöch sipwe küna pwüng me ren Kot o eäni ewe manau esemüch sia apilükülük ngeni.

1. Johannes 1:2

Lupwen ei manau a pwäla, aia küna. Iei mine aia kapas usun o asile ngenikemi usun ewe manau esemüch mi nom ren ewe Sam, nge a pwä ngenikem.

1. Johannes 2:25

Iwe, iei met Kraist a püsin pwon ngenikich: ewe manau esemüch.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.

Jutas 1:21

Iwe, oupwe püsin tümwünükemi lon än Kot chen lupwen oua witiwiti ach Samol Jesus Kraist pwe epwe ngenikemi manau esemüch lon an ümöümöch.