Mateus 19:10 - Chuukese Bible

¹⁰ Iwe, nöün kewe chon kaiö ra üreni, “Are epwe iei usun lefilen eman mwän me pwülüan, epwe fen öch ach sisap pwüpwülü.”

Mateus 19:10 Iomraidhean Croise

Keneses 2:18

Mürin, Kot ewe Samol mi Lapalap a pwal apasa, “Esap öch pwe ewe aramas epwe chök eman. Üpwe föri eman alisian mi wewe ngeni.”

Än Salomon Fos 18:22

Eman mi küna eman pwülüan a küna eu mettoch mi mürina o angei ümöümöch me ren ewe Samol mi Lapalap.

Än Salomon Fos 21:19

Än eman aramas nonom lon fanüapö a mürina seni an epwe nom ren eman fefin mi lalapat me nisosong.

Än Salomon Fos 21:9

Än eman nonom lepwokukun ungen eu imw a mürina seni an epwe nom lon ei imw ren eman fefin mi lalapat.

Mateus 19:11

Jesus a üreniir, “Sap aramas meinisin ra tongeni etiwa ei sokun afalafal, pwe chokewe chök Kot a ngeniir tufichir.

Mateus 19:9

Nge ngang üpwe ürenikemi, ‘Are eman mwän a mwü seni pwülüan fän iten och popun, nge esap fän iten an kirikiringau ngeni, ätewe a lisowu are a pwülüenisefäli pwal eman fefin.’”

1. Korint 7:8

Iwe, üa ürenikemi, ämi chokewe esap wor pwülüemi, pwal ämi mi mä pwülüemi, pwe epwe mürina ngenikemi ämi ousap pwüpwülü usun pwal ngang.

1. Timoty 4:3

Ekei sokun aramas ra afalafala pwe a ngau pwüpwülü, ra pwal apini ekoch sokun mongö. Nge Kot a awora ekei sokun mongö pwe sipwe mongö. Iwe, kich mi lükü o silei ewe let sipwe eni ewe mongö fän ach iotekin kilisou.