Mateus 18:7 - Chuukese Bible

⁷ Feiengauen fanüfan pokiten ekewe mettoch ra aselipato ngeni aramas ar repwe tipis! Ekei sokun mettoch repwe fokun fis fansoun meinisin, nge feiengauen ewe aramas a afisätä ekei mettoch.

Mateus 18:7 Iomraidhean Croise

Keneses 13:7

Nge a wor aninifengen lefilen nöün Apram kewe chon fofol man me nöün Lot kewe chon fofol man. Lon ena fansoun ekewe chon Kanaan me chon Peres ra imweimw lon ewe fanü.

2. Samuel 12:14

Nge pokiten ei föför ka awora popun än ekewe chon oput ewe Samol mi Lapalap repwe turunufasei i, iei mine ewe mönükol epwe upu ngonuk epwe mäla.”

Mateus 16:23

Nge Jesus a kul ngeni Petrus o üreni, “Kopwe sü seniei Satan, en eu lenien chepetek ngeniei. Pun om ekiek esap pop seni Kot, nge a pop seni aramas.”

Mateus 26:24

Nöün Aramas epwe mäla usun a fen mak lon ekewe Toropwe mi Pin, nge feiengauen ätewe mi afangamä Nöün Aramas! Epwe fen öch ngeni ei mwän are esap fen mwo nge uputiu!”

Markus 13:7

Nge lupwen oupwe rongorong akürangen maun me pworausen maun, ousap niuokus. Ekei mettoch repwe fokun fis, nge esap tori mwo fansoun sopolan.

Lukas 17:1

Iwe, Jesus a üreni nöün kewe chon kaiö, “Sosot epwe fokun tori aramas pwe repwe tolong lon tipis, nge feiengauen ätewe mi afisätä ekewe sosot.

Johannes 17:12

Lupwen ngang üa nom rer, üa tümwünüür ren manamanen itom we, ewe it ka ngeniei. Üa tiirela, pwe esap wor eman me leir a pöütüla, chilon chök ewe eman mi feil ngeni an epwe pöütüla, pwe epwe pwönüetä mine a mak lon ekewe Toropwe mi Pin.

Föför 1:16

o apasa, “Ämi pwii kana, mine a mak lon ekewe Toropwe mi Pin a pwönüetä usun mine Ngünmifel a apasa ren Tafit, lupwen a osuni usun Jutas, ätewe mi emweni chokewe mi fötekini Jesus.

1. Korint 11:19

Ewer, epwe fokun wor kinikinfesen lefilemi, pwe chokewe mi pwüng repwe fokun pwäpwäla.

1. Timoty 6:1

Iwe, ätekewe ir amanau repwe fokun asamolu ar kewe masta, pun iei pwüngün mine repwe föri ngeniir, pwe esap wor eman epwe kapasingau usun iten Kot pwal usun ach afalafal.

Titus 2:5

usun ar repwe nemeni püsin inisiir o eäni eu letip mi limöch, usun ar repwe sipeöch le angang lon imw, repwe eäni kirikiröch o aleasochis ngeni pwülüer, pwe esap wor eman epwe kapas ingau usun än Kot kapas.

Titus 2:8

Kopwe aea kapas mi pwüng, pwe esap wor eman epwe tongeni esitok. Mürin, ekewe chon oputom repwe säw, pun esap wor och kapas mi ngau repwe tongeni apasatä usuch.

Jutas 1:4

Pun ekoch aramas resap meniniti Kot ra anifilong leich, ir chokewe mi sorei ewe kapas usun än Kot ümöümöch, pwe epwe wor ar künetipingen won ar kewe föför mi fokun ngau. Ra pwal amamäsini Jesus Kraist, i chök ach Sounemenem me ach Samol. Me lomlom ekewe Toropwe mi Pin ra osuni usun ewe kapwüng ra tolong lon.

1. Samuel 2:17

Iei usun än ekewe alüal tipis a fokun wattela me fän mesen ewe Samol mi Lapalap, pun ra turunufasei ewe asor ngeni ewe Samol mi Lapalap.