Mateus 18:4 - Chuukese Bible

⁴ Iei mine iö a püsin atekisona pwe epwe wewe ngeni ei semirit, i ewe mi lap seni meinisin lon Mwün Läng.

Mateus 18:4 Iomraidhean Croise

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Mateus 18:1

Lon ena fansoun ekewe chon kaiö ra feito ren Jesus o aisini, “Iö epwe lap seni meinisin lon Mwün Läng?”

Mateus 18:3

A apasa, “Enlet üpwe ürenikemi, are ousap kulsefäl o wewe ngeni eman semirit, ousap fokun tongeni tolong lon Mwün Läng.

Mateus 18:5

Nge iö a etiwa ei sokun semirit fän itei, i a etiwaei.

Markus 10:43

Nge esap iei usun lefilemi. Pun iö a mochen lap leimi, epwe chon angang ngenikemi,

Markus 9:34

Nge ir ra chök fanafanala, pun ra aninifengen won al ika iö a lap seniir meinisin.

Lukas 14:11

Pun eman aramas mi püsin atekiatä, epwe tekisonotiu, nge eman mi püsin atekisonatiu, epwe tekiatä.”

Lukas 9:48

Iwe, a üreniir, “Iö a etiwa ei semirit fän itei, a etiwaei. Nge iö a etiwaei a pwal etiwa ewe eman a tiniei. Pun iö a kis me leimi meinisin, ina i ätewe a lap mwemi meinisin.”

James 4:10

Oupwe püsin atekisonakemi mwen mesen ach Samol, iwe, i epwe atekiakemiitä.

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”