Mateus 18:16 - Chuukese Bible

¹⁶ Nge are esap aüseling ngonuk, kopwe nuki eman ika ruoman chienom pwe repwe etuk, pun ‘ren pwärien ruoman ika ülüman chon pwärätä a tongeni fat pwüngün och föför’, usun a mak lon ekewe Toropwe mi Pin.

Mateus 18:16 Iomraidhean Croise

1. King 21:13

Mürin, ekewe ruoman mwän mi manauangau ra tolong o mottiu akawenewenan. Iwe, ra atipisi Napot me fän mesen ekewe aramas o üra, “Napot a otteki Kot me ewe king.” Iei mine ra emwenawu Napot lükün ewe telinimw o monei ngeni fau pwe a mäla.

Numperis 35:30

Are eman a niela eman aramas, ewe chon niela epwe ninnila fän pwüngün pwärien ekoch chon pwärätä. Nge esap wor eman aramas epwe ninnila fän pwärien eman chök chon pwärätä.

Johannes 8:17

A fen mak lon ämi kewe Allük, pwe are ruoman aramas a wewefengen pwärier, mine ra pwärätä a pwüng.

2. Korint 13:1

Iwe, iei aülüngatin fansoun ai üpwe feila churikemi. Usun a mak lon ekewe Toropwe mi Pin, “A chök fis allükülükün tipisin eman are a wor ruoman ika ülüman chon pwärätä.”

Tuteronomi 17:6

Nge epwe chök ninnila, are a wor ruoman ika ülüman chon pwärätä an tipis. Esap wor eman epwe ninnila are a wor eman chök chon pwärätä.

Tuteronomi 19:15

“Iwe, eman chök chon pwärätä esap naf an epwe tongeni atipisi eman mwän pwe a föri föförün mwäneson ika sokun föför mi ngau. Nge ren pwärien ruoman ika ülüman chon pwärätä a tongeni fis pwüngün ar atipisi.

1. Timoty 5:19

Kosap aüseling ngeni än eman atipisi eman souakom are esap wor ruoman ika ülüman chon pwärätä an tipis.

Ipru 10:28

Are ruoman ika ülüman chon pwärätä ra tongeni alletätä pwe eman aramas a tipisin aleasolap ngeni än Moses Allük, epwe chök ninnila, nge esap küna ümöümöch.

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”