Mateus 18:12 - Chuukese Bible

¹² Met oua ekieki? Are eman aramas a nöüni ipükü sip, nge eman leir a mwalechela, ifa usun, esap likiti ekewe tiwe me tiweman won ekewe chuk pwe epwe feila o kütta ewe eman mi mwalechela?

Mateus 18:12 Iomraidhean Croise

1. King 21:17

Mürin, ewe Samol mi Lapalap a üreni ewe soufos Elias seni Tispe,

Kölfel 119:176

Üa mwälechfeil usun eman sip mi mwälechela, kopwe küttaei ngang noum chon angang, pun üsap manlükala om kewe allük.

Aisea 53:6

Kich meinisin sa mwalechfeil usun chök sip kana. Sa püsin fili en me alan, nge ach pwüngingau meinisin ewe Samol mi Lapalap a anomu won.

Jeremaia 50:6

Nei aramas ra usun chök sip mi malechela. Nöür kewe chon mas ra atokeer o emwenirela won ekewe chuk. Ra feila seni eu chuk tori pwal eu, resap chüen chechemeni ar lenien asösö.

Isikiel 34:12

Usun eman chon mas a kütta nöün pwiin sip mi toropasfeil o achufengeniir, ina usun üpwe achufengeni nei sip kana o tümwünüür. Iwe, üpwe amanaueer seni ekis meinisin ia ra toropasfeil ie lon fansoun räningau me rochokich.

Isikiel 34:16

Üpwe kütta chokewe mi pöütüla o aliwini chokewe mi malechela, üpwe filiti kinasen chokewe mi kinas o apöchöküla chokewe mi apwangapwang, nge üpwe arosala chokewe mi öümanau o pöchökül, pun ngang eman chon mas mi föri mine a pwüng.

Isikiel 34:28

Iwe, chon ekewe mwü resap chüen liapeniir, manmwachon ewe fanü resap chüen ocheer, pwe repwe nonom fän kinamwe, nge esap wor eman epwe chüen eniwokusuur.

Isikiel 34:4

Iwe, ämi ousap tümwünü ekewe chon apwangapwang o apöchöküla ekewe chon samau, ousap filiti kinasen chokewe mi kinas, ousap aliwini ekewe chon malechela, ousap pwal kütta ekewe chon pöütüla, nge oua nemeniir fän echimw me pöchökül.

Isikiel 34:6

Nei sip kana ra malechfeil won ekewe chukutekison me ekewe chukutekia. Iwe, ra toropasfeil won unusen fanüfan, nge esap wor eman a kütteer ika tümwünüür.

Mateus 12:11

Jesus a pölüeniir, “Epwe ifa ika eman leimi a wor eman nöün sip a turulong lon eu pwang mi alolol lon ränin sapat? Ifa usun, esap ekiekin angeawu o efietä me lon ewe pwang?

Mateus 18:13

Nge are epwe küna ewe eman, enlet, üpwe ürenikemi, ätewe epwe fokun pwapwaäsini ewe eman sip mi mwalechela lap seni an pwapwaäsini ekewe tiwe me tiweman resap mwalechela.

Mateus 21:28

“Met oua ekieki? A wor eman mwän a nöüni ruoman alüal. A feila ren ewe mi watte o üreni, ‘Nei, kopwe feila o angang lon ewe tanipin wain ikenai.’

Mateus 22:42

“Met oua ekieki usun ewe Kraist? I mwirimwirin iö?” Ra pölüeni, “I mwirimwirin Tafit.”

1. Korint 10:15

Üa kapas ngenikemi usun ai kapas ngeni aramas mi mirit. Oupwe püsin apwüngü mine üa apasa.

1. Petrus 2:25

Pun me lom oua wewe ngeni sip kana mi mwalechela, nge ikenai oua liwinsefäl ngeni ewe Chon Fol me Chon Masa ngünümi.